मुंबई : 'दिल और मोहब्बत', 'मेरे जीवन साथी', 'काला सोना', 'धन दौलत', 'राम तेरे कितने नाम', 'होटल', 'जाल –द ट्रॅप' यांसारख्या हिंदी चित्रपटांची निर्मिती करणारे ज्येष्ठ निर्माते हरीश शहा यांनी आज सकाळी त्यांच्या राहत्या घरी अखेरचा श्वास घेतला. ते ७६ वर्षांचे होते. अंधेरी येथील स्मशानभूमीत त्यांच्या पार्थिवावर अंत्यसंस्कार करण्यात आले.
हरीश शहा आणि विनोद शहा हे दोघे भाऊ. त्यांनी एकत्रित मिळून चित्रपटांची निर्मिती केली. राजेश खन्ना, तनुजा, फिरोज खान, मुमताज, धर्मेंद्र, ऋषी कपूर, नीतू सिंग, शत्रुघ्न सिन्हा, मिथुन चक्रवर्ती, सनी देओल यांसारख्या मोठ्या कलाकारांबरोबर काम केले होते. 'जलजला' या चित्रपटाचे दिग्दर्शन त्यांनी केले होते. सन 2003 मध्ये आलेला सनी देवोलचा 'जाल-द ट्रॅप' हा त्यांचा निर्मिती असलेला शेवटचा चित्रपट होता.
गेली दहा वर्षे ते कर्करोगाचा सामना करीत होते. अखेर आज सकाळी सहाच्या सुमारास त्यांनी या जगाचा निरोप घेतला आहे. हिंदी चित्रपटसृष्टीला आणखीन एक धक्का बसला आहे. गेल्या तीन ते चार महिन्यात हिंदीने अनेक कलाकार गमावले आहेत.
हरीश चित्रपटांपासून दूर झाले होते; पण आपला जास्तीत जास्त वेळ ते सोशल मीडियावर घालवत होते. ट्विटरवर ते कायम आपल्या वैयक्तिक जीवनाबद्दलचे विचार आणि माहिती शेअर करत असे. कर्करोगाशी झुंज देत असतानाचे स्वतःचे छायाचित्र त्यांनी 'व्हॉय मी' या पोस्टरवर शेअर केले होते सुमारे चार दशकं ते चित्रपटसृष्टीत कार्यरत होते. कर्करोगाशी लढा देत असताना त्यांनी या आजाराशी झगडत असलेल्या लोकांची कहाणी जगासमोर आणण्यासाठी 'व्हाय मी' हा लघुपट बनवला होता. या लघुपटाला राष्ट्रपती पुरस्कार मिळाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.