मुंबई : कोरोनाचे संकट हळूहळू दूर होत आहे. अनलॉकचा तिसरा टप्पा आता सुरू होत आहे. सरकारने काही अटी आणि शर्थीसह चित्रीकरणाला परवानगी दिली आहे. टीव्ही मालिकांचे चित्रीकरण सुरू झाले आहे. हिंदी आणि मराठी चित्रपटांचेही चित्रीकरण सुरू होत आहे.
आता 'कार्निवल मोशन पिक्चर्स' या संस्थेनेही आपला आगामी चित्रपट 'मेरे देश की धरती' प्रदर्शित करण्याचा निर्णय घेतला आहे. कार्निवल ग्रुपची निर्मिती असलेला 'मेरे देश की धरती' हा नवा कोरा हिंदी चित्रपट लवकरच प्रेक्षकांच्या भेटीला येणार आहे. या चित्रपटाच्या माध्यमातून शहरी आणि ग्रामीण भागातील वास्तव परिस्थितीवर भाष्य करण्यात आले आहे.
दोन इंजिनिअर्स आणि त्यांच्या बदलत जाणाऱ्या जीवन प्रवासाचे लक्षवेधी चित्रण या चित्रपटात करण्यात आले आहे. जनमानसापर्यंत एक महत्त्वपूर्ण संदेश पोहोचवणारा हा चित्रपट एक ‘पेट्रियोटिक ड्रामा’ आहे. भोपाळमधील सेहोर जिल्ह्यासह मुंबई आणि आसपासच्या भागात चित्रपटाचे चित्रीकरण पूर्ण करण्यात आले आहे.
दिव्यांदू शर्मा, अनंत विधात आणि अनुप्रिया गोएंका या आघाडीच्या कलाकारांच्या अभिनयाने सजलेल्या या चित्रपटाचं दिग्दर्शन फराज हैदर यांनी केलं आहे. सध्या चित्रपटगृहे बंद आहेत. कधी उघडतील हे काही सांगता येत नाही. परंतु चित्रपटगृहे उघडताच हा चित्रपट प्रदर्शित करण्याचा निर्णय कार्निव्हल मोशन पिक्चर्स ग्रुपने घेतला आहे.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.