बॅकस्टेजआर्टिस्ट(Backstage Artist) म्हणून काम करणाऱ्या एका महिला कलाकारावर कास्टिंग डायरेक्टरनं(Casting Director) बलात्कार(Rape) केल्याप्रकरणाची तक्रार पुणे(Pune) पोलिसांकडे दाखल करण्यात आली आहे. गेली तीन वर्ष त्या महिलेवर हा अत्याचार होत आहे. ती महिला कलाकार त्यावेळी १७ वर्षांची होती. तिनं तक्रारीत म्हटलं आहे,'' त्या कास्टिंग डायरेक्टरनं जबरदस्तीनं आपल्याशी शारिरीक संबंध ठेवले होते. आपल्याला अनेकदा ब्लॅकमेल केलं गेलं असंही त्या महिला कलाकारानं आपल्या तक्रारीत म्हटलं आहे''. पुण्यात विश्रांतवाडी पोलिस स्टेशनमध्ये ही तक्रार दाखल करण्यात आली आहे.

आपण आता २१ वर्षांचे झालो आहोत. १७ वर्षांचं असल्यापासून कास्टिंग डायरेक्टर आपल्यावर शारिरीक संबंधाची जबरदस्ती करत असल्याचं त्या तक्रारदार महिलेनं म्हटलं आहे. अत्याचार सहन न झाल्यानं त्या महिलेनं शेवटी आपल्या आई-वडिलांना त्याविषयी सांगितले. आणि मग तिच्या पालकांनी पोलिस ठाण्यात धाव घेतली. महिला कलाकाराच्या तक्रारीनंतर पोलिसांनी या प्रकरणात लक्ष घातलं आहे. तक्रारीची नोंद करत पोलिसांनी IPC Section 376(Rape) अंतर्गत गुन्हा दाखल करुन घेतला आहे. अद्याप आरोपीला या प्रकरणात अटक करण्यात आलेली नाही. पोलिस या प्रकरणात आधी सखोल चौकशी करणार असल्याचं बोललं जात आहे.