सेलिब्रिटींची एक झलक पाहण्यासाठी चाहते आतूर असतात. मात्र चाहत्यांमुळे अनेकदा सेलिब्रिटींनाही त्रास सहन करावा लागतो. अभिनेत्री दीपिका पदुकोणसोबत असंच काहीसं घडलं. मुंबईतल्या खार परिसरातील एका रेस्टॉरंटमध्ये दीपिका गुरुवारी जेवायला गेली होती. या रेस्टॉरंटमधून बाहेर पडताना दीपिकाभोवती चाहत्यांनी गराडाच केला. या गराड्यात एका महिलेनं दीपिकाची पर्स खेचली. हा व्हिडीओ सध्या सोशल मीडियावर व्हायरल होत आहे. 

संबंधित महिला ही टिश्यू पेपर विकण्याचा प्रयत्न करत होती. दीपिकाला ते विकत घेण्याची विनंती करत असताना महिलेनं अचानक तिची पर्स खेचली. त्यानंतर चेहऱ्यावर जराही रागाचे भाव न आणता दीपिका शांतपणे हसतमुखाने गाडीमध्ये बसली. त्यावेळी अनेकांनी तिला पर्स तपासून पाहण्यासही सांगितलं. मात्र नको, राहू द्या म्हणत, दीपिका तेथून निघून गेली. 

हेही वाचा : इंडस्ट्रीतला नवरा नको गं बाई!

हेही वाचा : राखीच्या मदतीला धावून आला 'भाईजान'; कॅन्सरग्रस्त आईने हात जोडून मानले आभार
 

दीपिकाच्या चित्रपटांविषयी बोलायचे झाल्यास, ती लवकरच '८३' या चित्रपटातून प्रेक्षकांच्या भेटीला येणार आहे. यामध्ये ती ऑनस्क्रीनसुद्धा रणवीर सिंगच्या पत्नीची भूमिका साकारणार आहे. यासोबतच ती शकुन बत्राच्या एका चित्रपटासाठी शूटिंग करत आहे. यामध्ये सिद्धार्थ चतुर्वेदी व अनन्या पांडेसुद्धा भूमिका साकारणार आहेत. तिच्या 'छपाक' या चित्रपटाला प्रेक्षक-समीक्षकांकडून संमीश्र प्रतिसाद मिळाला होता.