बाॅलीवूड अभिनेत्री दिया मिर्झाची भाचीचे निधन झाले आहे. ही दुःखद बातमी स्वतः अभिनेत्रीने इन्स्टाग्रामवर पोस्ट शेअर करत दिली आहे. तिने इन्स्टा अकाऊंटवर आपल्या भाचीला श्रद्धांजली वाहिली आहे. दियाने एक भावनिक पोस्ट लिहिली आहे. ती वाचून चाहत्यांबरोबर बाॅलीवूड कलाकारही भावूक झाले आहेत. अनेकांनीही श्रद्धांजली वाहिली आहे. दिया मिर्झाने (Dia Mirza) आपल्या भाचीचा फोटो शेअर करत लिहिले आहे, की माझी भाची, माझं बाळ. माझा जीव की प्राण आता या जगात राहिली नाही. तू जेथे कुठे राहशील, नेहमी माझ्यासाठी खास राहशील. तुला शांती आणि प्रेम मिळो. तू नेहमी आमच्या हृदयात राहशील! ओम शांती ! (dia mirza niece tanya passes away she write an emotional post)

दिया मिर्झाच्या या पोस्टवर बाॅलीवूड (Bollywood News) कलाकारांनीही शोक व्यक्त केला आहे. अर्जुन रामपाल, गौहर खान, फराह खान अली, रिद्धीमा कपूर यासारख्या सिनेतारकांनी दियाच्या पोस्टवर प्रतिक्रिया देत तिच्या भाचीला श्रद्धांजली अर्पण केली आहे. अर्जुन रामपाल म्हणाला - ऐकून खूपच वाईट वाटले दिया. तुम्हा सर्वांसाठी प्रार्थना. ओम शांती !

वेगवेगळ्या वृत्तांनुसार दिया मिर्झाच्या भाचीचे नाव तान्या होते आणि तिचा मृत्यू कार अपघातामुळे झाला आहे. हैदराबादच्या राजीव गांधी आंतरराष्ट्रीय विमानतळाहून आपल्या चार मित्रांबरोबर परतत असताना ती दुर्घटनेची शिकार ठरली. तिला तात्काळ दवाखान्यात दाखल करण्यात आले. मात्र तिचा जीव वाचवण्यात यश आले नाही.