छोट्या पडद्यावरचा(TV) प्रसिद्ध अभिनेता(Famous Actor) सूरज थापर(Sooraj Thapar) याची पत्नी दिप्ती ध्यानीनं( Dipti Dhyani) प्रेमात माणूस काय करू शकतो हे दाखवणारं उदाहरण सर्वांसमोर ठेवलं आहे. दिप्ती ध्यानीनं आपल्या पतीसाठी आपले केस तिरुपति बालाजीला दान केले आहेत. यानंतर दिप्तीचा एक व्हिडीओ सूरजनं सोशल मीडियावर शेअर केला आहे. दिप्तीच्या या त्यागाचं अनेक सेलिब्रेटींपासून सर्वसामान्यांपर्यंत साऱ्यांनीच खूप कौतूक केलंआहे.

गेल्यावर्षी मे महिन्यात सूरज थापर यांना कोरोना झाला होता. सूरज त्यावेळी इतके अत्यावस्थ होते की त्यांच्या फुप्फुसाला जवळ-जवळ 70 टक्के संसर्ग झाला होता. खूप नाजूक अवस्थेत असलेल्या सूरज यांना त्यावेळी आयसीयू मध्ये दाखल करण्यात आले होते. तेव्हा सूरजची प्रकृती सुधारावी यासाठी त्यांची पत्नी दिप्तीनं देवाला साकडं घातलं होतं की जर तिचे पती पूर्ण बरे झाले तर ती आपले केस तिरुपति बालाजीला दान करेल. आता दिप्तीनं सूरज पूर्ण बरा झाल्यानंतर आपले केस दान करून पूर्ण टक्कल केलं आहे. हा व्हिडीओ आम्ही इथे बातमीत जोडलेला आहे.

सूरज थापरनं हा व्हिडीओ शेअर करताना लिहिलं आहे,''ट्रान्सफॉर्मेशन...हे खरं प्रेम आहे. या जगात कोणीच हे तुमच्यासाठी नाही करु शकत. हे एकदम शुद्ध प्रेम आहे''. सूरजनं शेअर केलेला हा व्हिडीओ सध्या जोरदार व्हायरल होत आहे. आणि टी.व्ही इंडस्ट्रीतील लोक दिप्तीची मनापासून प्रशंसा करताना देखील दिसत आहेत.

सूरज थापर संदर्भात बोलायचं झालं तर 'चंद्रगुप्त मौर्य','रजिया सुल्तान','एक नई पहचान','ससुराल गेंदा फूल','भाईभैय्या और ब्रदर','अकबर का बल बिरबल','तेनाली राम' सारख्या अनेक प्रसिद्ध मालिकांमधून त्यांनी वेगवेगळ्या भूमिका साकारल्या आहेत.