Double XL movie Kapil Dev wife Romi Bhatia: भारतीय क्रिकेट संघातील प्रसिद्ध खेळाडू आणि माजी कर्णधार कपिल देव यांच्याविषयी जेवढं सांगावं अन् बोलावं तेवढं कमी आहे. १९८३ साली क्रिकेट वर्ल्ड कपमध्ये भारताला मोठा विजय मिळवून देणाऱ्या कपिल यांच्याविषयी क्रिकेट चाहत्यांच्या मनात कायमच कौतूकाची आणि आदराची भावना असते. करडी शिस्त, परखडपणा आणि मनमिळावू व्यक्तिमत्व म्हणून कपिल यांच्याकडे पाहिले जाते.

क्रिकेट सोडून इतर क्रीडाप्रकारातही कपिल यांनी आपली वेगळी ओळख निर्माण केली आहे. त्यामध्ये गोल्फचा उल्लेख करता येईल. सध्या कपिल देव हे चर्चेत आले आहे याचे कारण म्हणजे त्यांची पत्नी रोमी यांनी केलेलं अजब विधान. काही महिन्यांपूर्वी आलेल्या ८३ नावाच्या चित्रपटातून कपिल देव त्यांची टीम आणि भारतीय संघानं कशाप्रकारे विश्वकरंडकाला गवसणी घातली याचा प्रवास रेखाटण्यात आला होता. त्यामध्ये कपिल देव यांची भूमिका प्रसिद्ध अभिनेता रणवीर सिंग तर रोमी यांची भूमिका दीपिकानं केली होती.

डबल एक्स एल या चित्रपटाच्या स्क्रिनिंगला क्रिकेटविश्वातील हे प्रसिद्ध जोडपे उपस्थित होते. स्क्रिनिंग झाल्यानंतर पत्रकारांनी रोमी यांना या चित्रपटाविषयी प्रतिक्रिया विचारली होती. त्यावर त्यांनी दिलेलं उत्तर हे अनेकांना चकीत करुन गेले आहे. त्या म्हणाल्या. माझं जेव्हा कपिलशी लग्न ठरलं होतं, त्यावेळी माझ्यावरुन कपिल यांना खूप टीका सहन करावी लागली होती. कपिल नेमकं कुठल्या व्यक्तीशी लग्न करतोय असा प्रश्न त्यांच्या घरच्यांना पडला होता. त्यावरुन रोमी यांनी गंमतीशीर प्रतिक्रिया दिली आहे.

डबल एक्स एलमध्ये देखील कपिल देव आणि रोमी भाटिया यांचा गेस्ट अॅपिरियन्स प्रेक्षकांना पाहायला मिळणार आहे. माझ्या आणि कपिलच्या लग्नावरुन वेगवेगळ्या प्रतिक्रिया दिल्या जात होत्या. कपिल हा कोणत्या आंटीशी लग्न करतोय. असंही अनेकजण म्हणाले होते. या शब्दांत रोमी यांनी आपल्या मनातील भावना व्यक्त केल्या आहेत.