जाॅन अब्राहम, अर्जुन कपूर (Arjun Kapoor), दिशा पाटणी (Disha Patani) आणि तारा सुतारिया यांची भूमिका असलेला 'एक व्हिलन रिटर्न्स'ने प्रेक्षकांना निराश केले आहे. दुसरीकडे चित्रपट निर्मातेही कमाईने नाखूश आहेत. सोमवारी चित्रपटाचे बाॅक्स ऑफिस कलेक्शनमध्ये मोठी घसरण पाहायला मिळाली आहे. चित्रपटाने सोमवारी देशात केवळ अडीच ते साडेतीन कोटी रुपयांचा गल्ला जमवला आहे. (ek villain returns box office collection come down)

गेल्या शुक्रवारी प्रदर्शित झालेल्या एक व्हिलन रिटर्न्सच्या (Ek Villain Returns) चौथ्या दिवशी कमाईचा आलेख खाली घसरताना दिसला. पहिल्या दिवशी कमाई ठिकठाक होती. मात्र चित्रपटाची सुरुवात फार खराब नव्हती. मात्र आता असे वाटते की केवळ मौखिक प्रचार निमित्तही चित्रपट पाहायला येणाऱ्या प्रेक्षकांचे प्रमाणही कमी होताना दिसत आहे. मोठे तारेतारकांऐवजी प्रेक्षकांसाठी चित्रपटाची कथा महत्त्वाची असते. ही बाबही निर्मात्यांनी समजून घ्यायला हवी. तर आतापर्यंतची चित्रपटाची कमाई पाहूया;

पहिला दिवस - ७.५ कोटी

दुसरा दिवस - ७.४७ कोटी

तिसरा दिवस - ९.०२ कोटी

चौथा दिवस - २.५० ते ३.५० कोटी

--

पहिल्या आठवड्यातील एकूण कमाई = २३.५४ कोटी