टेस्ला आणि स्पेसएक्सचे मालक, एलन मस्कचे(Elon Musk) ७६ वर्षीय वडील एरोल मस्क(Errol Musk) यांनी धक्कादायक खुलासा केला आहे. त्यांनी सांगितलं आहे की त्यांचे सावत्र मुलगी जन जाना बेजुइडेनहॉटशी शारिरीक संबंध आहेत आणि तिनं त्यांच्या दोन मुलांना देखील जन्म दिला आहे. जन ही ३५ वर्षांची आहे. तीन वर्षाआधी त्यांच्या सावत्र मुलीनं त्यांच्या दोघांच्या दुसऱ्या सीक्रेट मुलाला जन्म दिला आहे.(Elon Musk's father Errol Musk, 76, revealed he had a second child with his 35-year-old stepdaughter Jana Bezuidenhout)

न्यूयॉर्क पोस्टच्या वृत्तानुसार,एरोल मस्क यांनी एका ब्रिटिश टॅब्लॉइडला दिलेल्या मुलाखतीत हे मान्य केलं आहे की त्यांनी एलोनची सावत्र बहिण जानासोबत शारिरीक संबंध ठेवले होते आणि २०१९ मध्ये जानाने त्या दोघांच्या दुसऱ्या अपत्याला जन्म दिला होता.

एलोन मस्कच्या वडीलांनी पुढे सांगितलं की,''पृथ्वीवर केवळ एकच गोष्ट आहे की जिच्यासाठी आपण पुनरुत्पादन करतो''. एरोल मस्क आणि जाना यांनी २०१७ मध्ये आपल्या पहिल्या अपत्याला जन्म दिला होता. जाना आणि एरोलला पहिला मुलगा झाला आहे. ज्याचे नाव इलियट रश असे आहे.

जाना बेजुइडेनहॉट एरोलची दुसरी पत्नी हाइड बेजुइडेनहॉट हिची मुलगी आहे,जिच्याशी १९७९ साली एलोनची आई मेय हल्दमॅन मस्कपासून विभक्त झाल्यावर एरोल यांनी लग्न केलं होतं. तेव्हा जाना फक्त ४ वर्षांची होती. पण लग्नानंतर काही वर्षांनी एरोल यांनी जानाच्या आईलाही घटस्फोट दिला.

हे आपल्या सगळ्यांना कदाचित माहित असेल की एलन यांनी आपले वडील खूप वाईट माणूस आहेत हे अनेकदा सांगितलं आहे. एलन म्हणाले होते की,''तुम्ही जेवढ्या वाईट गोष्टींचा विचार कराल त्या सगळ्या माझ्या वडीलांनी केल्या आहेत''.

आता एरोल यांच्या मुलीशी असलेल्या शारिरीक संबंधावरील धक्कादायक वक्तव्यामुळे त्यांचं कुटुंब देखील अडचणीत सापडलं आहे. एलनचे वडील एरोल यांनी हे देखील आपल्या त्या खळबळजनक मुलाखतीत सांगितलं की,आता ते जानाच्या आईची आठवणही नावालाच काढतात.

बोललं जातं की, एलन मस्कचे वडील एरोल मस्क आणि जानाची आई यांनी १८ वर्ष संसार केला,त्यांना दोन मुलंही झाली. त्यामुळे असंही बोललं जात आहे की,या घटस्फोटानंतर जर जानाचे एरोलशी संबंध आले तर त्यात मोठं काय. कारण काही वेळासाठी ते दोघे एकत्रही राहले आहेत. एलन मस्कला जेव्हा हे सत्य कळलं तेव्हा त्याला मोठा धक्का बसल्याचं देखील म्हटलं जात आहे.