मुंबई : लॉकडाऊनमुळे सिनेमागृह बंद आहेत. त्यामुळे डिस्नी प्लस हॉटस्टारने मागील महिन्यात त्यांच्या ओटीटीवर रिलीज होणाऱ्या चित्रपटांची पोस्टर्स शेअर करत घोषणा केली. त्यामध्ये 'भुज-द प्राइड ऑफ इंडिया' हा सिनेमाचाही समावेश होता. या चित्रपटाच्या पहिल्या पोस्टर्समध्ये अजय देवगण होता. आता या सिनेमाचे दुसरे पोस्टर्स लाँच झाले आहे आणि त्यामध्ये सोनाक्षी सिन्हाची झलक पाहायला मिळते.
भारतीय सेनेला पाठिंबा देण्यासाठी तिच्याबरोबर 299 महिलांना घेऊन लढायला गेलेल्या शूर समाजसेविका सुंदरबेन जेठा माधापर्या यांची भूमिका ती साकारणार आहे. तिने तिच्या इन्स्टाग्राम हॅण्डलवर या व्यक्तिरेखेचा पहिला लुक शेअर केला. यावेळी सोनाक्षीने लिहिले की, "भारतीय सैन्य दलाला पाठिंबा देण्यासाठी 299 महिलांसोबत युद्धभूमीवर गेलेल्या शूर समाजसेविका सुंदरबेन जेठा माधापर्या यांची भूमिका मला साकारायला मिळाली हे माझं भाग्य आहे!
भुज- प्राइड ऑफ इंडिया ही आपल्या देशाच्या इतिहासातील महत्त्वपूर्ण घटना आहे. हा चित्रपट सत्य घटनेवर आधारित आहे. या चित्रपटात अजय देवगणसह संजय दत्त, सोनाक्षी सिन्हा, अॅमी विर्क आणि शरद केळकर हे कलाकार देखील आहेत. भुज- द प्राइड ऑफ इंडिया या चित्रपटाचे लेखन आणि दिग्दर्शन अभिषेक दुधय्या यांनी केले आहे.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.