Gadar 2 Box Office Collection Day 6: बऱ्याच वर्षांनी सनी देओल आणि अमिषा पटेल यांनी चित्रपट 'गदर 2' मधुन पुन्हा बॉलिवूडमध्ये एंट्री मारली. प्रेक्षकांना या चित्रपटाची प्रतिक्षा होती. आता या चित्रपटाला रिलिज होऊन सहा दिवस झाले आहे. 'गदर 2' रोजच काही ना काही नवीन रेकॉर्ड तयार करत आहे. या चित्रपटाने बुधवारी सहाव्या दिवशीही बॉक्स ऑफिसवर धुमाकूळ घातला आहे.

बॉक्स ऑफिसवर आतापर्यंतचे सर्व रेकॉर्ड मोडत गदर2 ने आता केवळ पठाण आणि सुलतानच नव्हे तर टॉलिवूडचा सुपरहिट सिनेमा 'बाहुबली: द कन्क्लूजन'लाही मागे टाकले आहेत. आता 'गदर 2' ने रिलीजच्या सहाव्या दिवशी किती कोटींची कमाई केली हे देखील जाणुन घेवुया.

गदर 2 7 दिवसात 300 कोटींच्या पुढे कमाई करणार असं काहीस चित्र बॉक्स ऑफिसवर दिसत आहे. 6व्या दिवशी बॉक्स ऑफिस कलेक्शनबद्दल बोलायचं झालं तर सनी देओलच्या चित्रपटाने सहाव्या दिवशी 32.37 कोटींची बंपर कमाई केली. या आकडेवारीसोबतच गदर 2 ने भारतात एकूण 261.35 कोटींचा गल्ला जमवला आहे. तर जगभरात 338 च्या जवळपास कमाई केली आहे.

2023 चा सर्वात जास्त कमाई करणाऱ्या चित्रपटांमध्ये आता गदर2 चाही सामावेश आहे.गदर 2 ने पहिल्या दिवशी 40.1 , दुसऱ्या दिवशी 43.8, तिसर्‍या दिवशी बॉक्स ऑफिसवर 51.7 कोटींची कमाई केली. तर चौथ्या दिवशी या चित्रपटाने 39 कोटींची कमाई होती आता तर या सिनेमा लवकरच 500 कोटींचा आकडा पुर्ण करेल अशी अपेक्षा निर्मात्यांना आणि चाहत्यांना देखील आहे.

गदर 2 हा अनिल शर्मा दिग्दर्शित चित्रपट असून त्यात सनी देओल, अमिषा पटेल, उत्कर्ष शर्मा आणि मनीष वाधवा आणि इतर अनेक कलाकार आहेत. हा चित्रपट बॉक्स ऑफिसवर ब्लॉकबस्टर ठरला आहे.