मुंबई : मालिका आणि चित्रपटांच्या चित्रीकरणाला आता हळूहळू सुरुवात झाली आहे. सरकारी नियमांचे पालन करून चित्रीकरण सुरू आहे. मात्र 65 वर्षांवरील व्यक्तींना चित्रीकरणात भाग घेता येणार नाही, असा सरकारचा नियम आहे. त्यामुळे अनेक वयोवृद्ध कलाकारांना त्याचा फटका बसलेला आहे. सरकारने या नियमात बदल करावा, अशा मागणीचे एक पत्र इम्पाने (इंडियन मोशन प्रोड्युसर्स असोसिएशन) मुख्यमंत्री उद्धव ठाकरे यांना लिहिले आहे.
कोरोनामुळे संपूर्ण चित्रपटसृष्टी गेले तीन-साडेतीन महिने ठप्प होती. सरकारने चित्रीकरणास काही नियम आणि अटींनुसार परवानगी दिली. त्यानंतर हळूहळू चित्रीकरण सुरू झाले. सरकरने दिलेल्या नियमावलीत 65 वर्षांवरील कलाकार चित्रीकरणात भाग घेऊ शकत नव्हते. त्यामुळे त्यांची पंचाईत झाली तसेच मालिकांच्या निर्मात्यांचीही कोंडी झाली. कारण त्या कलाकारांची रिप्लेसमेंट मिळणे कठीण आहे.
त्यामुळे इम्पाने एक पत्र मुख्यमंत्र्यांना लिहिले आहे आणि त्यांना विनंती केली आहे, की 65 वर्षांवरील कलाकार तसेच युनिटमधील अन्य मंडळींना शूटिंगसाठी परवानगी द्यावी. शिवाय सेटवर रुग्णवाहिका आणि डॉक्टर्स असावा असा सरकारी हा नियम आहे. त्या गोष्टींची पूर्तता करताना कठीण जात आहे. त्यामुळे या नियमातही शिथिलता आणावी, अशी विनंतीही पत्रात मुख्यमंत्र्यांना करण्यात आली आहे.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.