Happy BIrthday Rekha: बेधुंद करणारी नजर आणि घायाळ करणाऱ्या अदाकारीने जिनं लाखो चाहत्यांना वेड लावलं ती अभिनेत्री म्हणजे रेखा. रेखा यांचा आज वाढदिवस आहे. त्या 69  वर्षांच्या झाल्या आहेत. वयाचा आकडा वाढला असला तरी त्यांच्या चेहऱ्यावरची चमक आजही तरुण अभिनेत्रींना लाजवेल अशीच आहे.

रेखा म्हणजे हिंदी सेनेसृष्टीतील एकेकाळी कायमच चर्चेत असलेलं नाव. बड्या बड्या अभिनेत्रींना देखील त्यांच्याबद्दल ईर्षा वाटायची. रेखा या प्रेमसंबंध तसंच त्यांचं खासगी आयुष्य अशा अनेक कारणांमुळे कायम चर्चेत राहिल्या.

रेखा यांच्या वाढदिवसानिमित्ताने आपण त्या अभिनेत्री होण्याआधीच्या काही खास गोष्टी जाणून घेणार आहोत.(Happy Birthday Rekha, 69 years Old, childhood Memory)

अभिनय क्षेत्रात येण्यापूर्वी रेखा यांनी आयुष्यात अनेक चढ-उतार पाहिले आहेत.त्यांना अनेक अडचणींचा सामना देखील करावा लागलाय. रेखा यांच्या आई कर्जबाजारी झाल्या होत्या. त्यांच्यावर खूप मोठ कर्ज होतं त्यामुळे अगदी कमी वयातच रेखा यांना काम करावं लागलं होतं. रेखा आपल्या वडिलांचा खूप तिरस्कार करायच्या. यामागचं कारण म्हणजे त्यांच्या वडिलांनी रेखा यांना कधीच मुलगी म्हणून स्वीकारलं नव्हतं.

खरं तर रेखा यांचे वडील तामिळ सेनेसृष्टीतील सुपरस्टार होते. तर त्यांच्या आई देखील तामिळ इंडस्ट्रीमध्ये अभिनेत्री होत्या. असं म्हटलं जातं की रेखा यांचा जन्म झाला तेव्हा त्यांच्या आई-वडिलांचं लग्न झालं नव्हतं.

किंबहुना त्यांनी कधी लग्नच केलं नाही. रेखा यांच्या वडिलांनी चार विवाह केले होते मात्र त्यांनी रेखा यांच्या आईशी विवाह केला नव्हता. तसंच रेखा माझं रक्त नाही असं म्हणत त्यांनी कधीच मुलगी म्हणून रेखा यांचा स्वीकार केला नाही.

म्हणूनच रेखा वडिलांचा तिरस्कार करायच्या. एवढंच काय तर त्या वडिलांच्या अंत्यदर्शनासाठीही त्या गेल्या नव्हत्या.

मैत्रिणी त्यांची थट्टा करायच्या

लहानपणीपासूनच रेखा यांना अभिनेत्री होण्याची इच्छा होती. ज्यावेळी रेखा त्यांच्या मैत्रिणींमध्ये अभिनेत्री होण्याच्या इच्छेबद्दल सांगत त्यावेळी मैत्रिणी त्यांची थट्टा करत. एका मुलाखतीमध्ये रेखा यांनी त्यांच्या लहानपणाची ही आठवण सांगितली होती.

"जेव्हा मी मैत्रिणींमध्ये मला अभिनेत्री व्हायचंय असं म्हणायचे तेव्हा त्या माझ्यावर हसायच्या आणि तोंड पाहिलं आहेस का? असं म्हणत माझी थट्टा करायच्या" असं रेखा यांनी सांगितलं होतं.

वाढदिवसानिमित्त रेखा यांना सोशल मीडियावरून चाहते तसंच अनेक सेलिब्रिटी शुभेच्छा देत आहेत. रेखा यांनी सिनेमांमधून ब्रेक घेतला असला तरी त्या कायमच चर्चेत असतात.