Shilpa Shetty Birthday : बॉलीवूडमध्ये आपल्या हटके स्टाईलमुळे प्रसिद्ध असणारी अभिनेत्री म्हणजे शिल्पा शेट्टी. वयाची 46 वर्षे पूर्ण करणाऱ्या या अभिनेत्रीची ओळख (Bollywood News) तिच्या फिटनेससाठी देखील आहे. वेगवेगळ्या रियॅलिटी शो मध्ये सहभागी होऊन तिनं नेटकऱ्यांचे लक्ष वेधून घेतले आहे. आज शिल्पाचा जन्मदिवस आहे. त्यानिमित्तानं आपण तिच्याशी संबंधित काही रंजक गोष्टी जाणून घेणार आहोत. केवळ भारतातच नाही तर जगभरात शिल्पाचे चाहते आहेत. सोशल मीडियावर देखील ती एक मोठी स्टार आहे. गेल्या वर्षी तिच्या आयुष्यात काही बिकट प्रसंग आले. त्यामुळे तिला ट्रोलही व्हावे लागले होते. मात्र यासगळ्याला शिल्पानं मोठ्या धैर्यानं तोंड दिले.

(Bollywood Actress) बॉलीवूडमध्ये शिल्पाचा प्रवास मोठा खडतर आहे. 90 च्या दशकांतील लोकप्रिय अभिनेत्री म्हणून शिल्पाचं नाव घेतलं जात. बाजीगरमध्ये तिनं केलेल्या भूमिकेला प्रेक्षकांचा मोठा प्रतिसाद मिळाला होता. आजही (Bollywood movies) प्रेक्षकांच्या मनात बाजीगरमधील शिल्पाची भूमिका घर करुन आहे. काही दिवसांपूर्वी ती एका चित्रपटातून प्रेक्षकांसमोर आली होती. (Shilpa Shetty Fitness) शिल्पा ही तिच्या फिटनेसमुळे चर्चेत असते. फिटनेस फ्रीकसंबंधी वेगवेगळे फोटो शेयर करुन तिनं चाहत्यांचे लक्ष वेधून घेतले आहे. सोशल मीडियावर अॅक्टिव्ह असणाऱ्या शिल्पाला चाहत्यांनी तिच्या फिटनेसचं (Social media viral news) रहस्य विचारले असता शिल्पानं त्यांना अनेक सल्ले दिले आहेत.

शिल्पाच्या दिवसाची सुरुवात ही योगानं होते. कोरोनाच्या काळात तिनं आपल्या सोशल मीडियावरुन योगाचे व्हिडिओ शेयर करुन चाहत्यांना आरोग्याचे महत्व पटवून दिले होते. सकाळी उठल्यानंतर कोमट पाणी पिणे, त्यानंतर नोनी ज्युस घेणे, ज्यामुळे हदयविकाराचा धोका कमी होतो असे शिल्पाचे म्हणणे आहे. याशिवाय ब्रेस्ट कॅन्सरपासून मुक्तता होते असेही शिल्पा सांगते. वजन कमी कऱण्यासाठी नव्हे तर फिट राहण्यासाठी शिल्पा योगा करते. गेल्या पाच वर्षांहून अधिक वर्षांपासून शिल्पा योगा करते आहे. आज आपण जे फिट आहोत त्याचे राज योगा असल्याचे ती आवर्जुन सांगते. एका अपघातात तिच्या मानेला गंभीर दुखापत झाली होती. त्यावेळी तिनं योगाच्या साह्यानं स्वताला सावरले होते. त्यामुळे तिचा योगा करण्यावर भर असतो.