Tinnu Anand and Amitabh Bachchan news: आज टिनू आनंद यांचा वाढदिवस. टिनू आनंद हा असा व्यक्ती आहे ज्याच्यामुळे अमिताभ बच्चन यांची सिनेमात एंट्री झाली.

टिन्नू आनंद आणि अमिताभ बच्चन यांचे खास नाते आहे. अगदी दोघांचा वाढदिवस सुद्धा एक मागोमाग एक आहे.

अमिताभ 11 ऑक्टोबरला तर टिनू 12 ऑक्टोबरला वाढदिवस साजरा करतात.

(How Tinnu Anand made Amitabh Bachchan's entry into Bollywood?)

कोण आहे टिनू आनंद?

टिनू आनंद यांचा जन्म १९४५ साली झाला. टिनू एक अभिनेता आणि चित्रपट दिग्दर्शक, निर्माता आहे. टिनू यांना लेखणीचा वारसा मिळाला आहे. टिनूचे खरे नाव वीरेंद्र राज आनंद आहे.

टिनूचे वडील प्रसिद्ध चित्रपट लेखक इंदर राज आनंद आहेत. टिनूने अजमेरच्या फेमस मेयो कॉलेजमधून शिक्षण घेतले आहे. टिनू आणि अमिताभ बच्चन यांची अभिनय कारकीर्द एकत्र सुरू होती.

असा मिळाला अमिताभ टिनू आनंदमुळे पहिला सिनेमा...

बॉलिवूडचा शहेनशहा अमिताभ बच्चन यांचा पहिला सिनेमा म्हणजे 'सात हिंदुस्तानी' हे आपल्या सर्वांना माहीतच आहे.

परंतु अमिताभ यांना हा पहिला सिनेमा टिनू आनंदमुळे मिळाला हे फार कमी जणांना माहित असेल.

झालं असं होतं की.. सात हिंदुस्तानी चित्रपटात टिनूला पहिल्यांदा कास्ट करण्यात आले होते. परंतु टिनूचे वडील इंदर राज आनंदने टिनू फिल्म इंडस्ट्रीचा भाग बनू नये म्हणून खूप प्रयत्न केले. पण टिनू काही ऐकायला तयार नव्हता. शेवटी इंदर राज यांनी

त्याला सत्यजित रे यांच्याकडे पाठवले आणि त्याला अभिनय आणि फिल्ममेकिंगच्या युक्त्या शिकवल्या. सत्यजित रे टिनूला शिकवायला तयार झाले. त्यांनी तसं पत्र पाठवलं.

हे पत्र मिळाल्यानंतर टिनू चित्रपट सोडून कोलकाताला निघून गेला आणि त्या दिवसांत अमिताभ चित्रपटात कामाच्या शोधात होते.

आणि मग टिनूने सोडलेला सिनेमा अमिताभ यांना चित्रपट मिळाला. टिनूने सत्यजित रे यांच्यासोबत सहाय्यक दिग्दर्शक म्हणून ५ वर्षे काम केले.

नंतर अनेक चित्रपटात काम केले आणि अनेक चित्रपट केले. व्हिलनच्या भूमिकेत टिनूला सर्वाधिक पसंती मिळाली.

जेव्हा टिनू यांनी स्वतः दिग्दर्शनात उतरायचे ठरवले तेव्ह त्यांनी अमिताभ सोबत टिनू आनंदने अमिताभसोबत 'कालिया', 'शहेनशाह', 'मेजर साब', 'मैं आझाद हूं' असे सुपरहिट सिनेमे केले.