Jacqueline Fernandez news: बॉलीवूड अभिनेत्री जॅकलीनच्या अडचणीत आणखी वाढ होण्याची शक्यता वर्तवण्यात आली आहे. दोनशे कोटींचा गैरव्यवहार (bollywood news) करणाऱ्या सुकेश चंद्रशेखरसोबत असलेली मैत्री जॅकलीनला चांगलीच महागात पडल्याचे दिसून आले आहे. गेल्या काही दिवसांपासून ईडीनं (ED News) जॅकलीनभोवती सुरक्षारक्षक तैनात केल्याचे दिसून आले आहे. तिचा पासपोर्ट जप्त करण्यात आला आहे. आज जॅकलीनला ईडीनं बोलावणं धाडलं असून तिची चौकशी होणार आहे. सुकेशकडून महागड्या वस्तू घेतल्याचा तसेच (social media viral news) त्याच्याशी संपर्क ठेवल्याचा आरोप तिच्यावर करण्यात आला आहे.

याप्रकरणी जॅकलीनच्या कुटूंबियांवर देखील वॉच ठेवण्यात आला आहे. त्यांना देखील सुकेशनं महागड्या वस्तू पाठवल्या होत्या. असे तपासातून समोर आले आहे. काही दिवसांपूर्वी जॅकलीनची चौकशी करण्यात आली होती. त्यात तिनं आपल्याला सुकेशकडून मिळालेल्या वस्तुंविषयी माहिती दिली होती. अलिशान घर, भेटवस्तु हे सारं जॅकलीनकडे कसे आले, बॉलीवूडमध्ये तिची कमाई किती, मुंबईमध्ये दोन घरं, याशिवाय परदेशात देखील मोठी गुंतवणूक असल्याचे दिसून आले आहे. यानंतर ईडीनं जॅकलीनच्या भोवती पहारा वाढवत तिच्यावर वॉच ठेवण्यास सुरुवात केल्याचे दिसून आले आहे.

आता दिल्ली पोलीस जॅकलीनची चौकशी करणार आहे. तिला आज चौकशीसाठी बोलवण्यात आल्याची माहिती सुत्रांनी दिली आहे. त्यानुसार पोलिसांनी तिला जे प्रश्न विचारायचे आहेत त्याची भली मोठी यादी तयार केली आहे. दिल्लीची आर्थिक गुन्हे शाखा आता जॅकलीनची चौकशी करणार असल्याचे सांगण्यात आले आहे.

एका वरिष्ठ पोलीस अधिकाऱ्यान न्युज एजन्सीला दिलेल्या माहितीत असे सांगितले की, जॅकलीनची आज चौकशी होणार असून त्यातून मोठी माहिती समोर येण्याची शक्य़ता आहे. तिच्यावर जे आरोप आहेत त्याची तीव्रता मोठी आहे. त्यामुळे येत्या काळात नवीन माहितीनुसार सुकेश केससंदर्भात कोणती कारवाई करायची याची दिशा स्पष्ट होणार असल्याचे सांगण्यात आले आहे.