मल्टीस्टारर चित्रपटांची सध्या मराठीसह बॉलिवूडमध्येही चलती आहे. पण काही दिवसांतच मल्टीस्टारर लघुपटही येतोय. विशेष म्हणजे या लघुपटात काजोल आणि मराठमोळी मुक्ता बर्वे एकत्र झळकल्या आहेत. या लघुपटाचे नाव 'देवी' असून नुकताच त्याचा पहिला पोस्टर रिलीज झालाय. या लघुपटात हिंदीसह मराठी चित्रपटसृष्टीतल्या अभिनेत्रीही दिसत आहेत.
पोस्टरवरून हा लघुपट महिलांच्या विषयाशी संबंधित असल्याचे स्पष्ट होतंय. या लघुपटात काजोल आणि मुक्तासह श्रुती हासन, नेहा धुपिया, नीना कुळकर्णी, संध्या मात्रे, रमा जोशी, शिवाजी रघुवंशी आणि यशस्विनी दायमा या आहेत. मुक्ता बुरख्यात दिसतीय तर काजोल आईच्या व गृहिणीच्या भूमिकेत दिसतीये. प्रियांका बॅनर्जीने ही लघुकथा लिहिली असून या लघुपटाचे दिग्दर्शनही प्रियांकाच करत आहे. विशेष म्हणजे या लघुपटाचे चित्रीकरण दोन दिवसांत पूर्ण झाले होते. या लघुपटाची निर्मिती इलेक्ट्रीक अॅपल्स एंटरटेन्मेंट करत आहेत.
मराठी तसेच हिंदीतील सर्वोत्तम अभिनेत्री या लघुपटात दिसतायत. तसेच विषयही महिलांबाबत असल्याने प्रेक्षकांची उत्सुकता वाढली आहे. तसेच काजोल आणि मुक्ता बर्वे एकत्रितपणे लघुपटात काम करणार असल्याने त्यांच्या फॅन्समध्येही उत्सुकता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.