बॉलीवूड अभिनेत्री काजोल(Kajol),आणि दाक्षिणात्य अभिनेता सूर्या,दिग्दर्शक सुष्मित घोष,रिंटू थॉमस,फिल्ममेकर रीमा कागती यांच्यासोबत तब्बल ३९७ नवीन सदस्यांना अॅकॅडमी ऑफ मोशन पिक्चर्स आर्ट्स अॅन्ड सायन्स म्हणजेच ऑस्कर अकादमीमध्ये(Oscar Acadamy) सामिल होण्याचं निमंत्रण गेलं आहे. अकादमीच्या वेबसाइटवर मंगळवारी रात्री उशिरा या सदस्यांच्या यादीला शेअर करण्यात आलं. या यादीत अशा लोकांची नावं आहेत ज्यांनी थिएटर आणि सिनेमा अशा दोन्हीमध्ये आपलं योगदान दिलं आहे.(Kajol's Invite To Oscar Academy Made Ajay Devgn "Incredibly Proud).

अकादमीनं आपल्या जाहिर केलेल्या एका निवेदनात म्हटलं आहे,''२०२२ मध्ये ४४ टक्के महिला आहेत आणि ३७ टक्के असे लोकं आहेत ज्यांना प्रतिनिधित्व करायची संधी कमी मिळाली आहे आणि ५० टक्के लोक हे अमेरिकेच्या बाहेरील ५३ विविध देशांमधून आहेत''. या यादीत बॉलीवूडची गुणी अभिनेत्री काजोल आणि तामिळ स्टार सूर्याला देखील निमंत्रित केलं गेलं आहे. डॉक्युमेंट्री विभागात सुष्मिता घोष आणि रिंटु थॉमस यांना आणि लेखन विभागात 'तलाश','गली बॉय','गोल्ड' सारख्या सिनेमांचे लिखाण केलेल्या रीमा कागतीला निमंत्रित केलं गेलं आहे.

या यादीत काजोलचं नाव सामिल झालं असल्यामुळे तिचा पती आणि अभिनेता अजय देवगणनं(AJay Devgan) आनंद व्यक्त केला आहे. अजय देवगणने सोशल मीडियावर लिहिलं आहे की,''ऑस्कर समितीवर निवड झाल्याबद्दल काजोलचं मनापासून अभिनंदन. मी खूप खूश आहे आणि मला आता खूप अभिमान देखील वाटत आहे. ऑस्कर समितीवर निवड झालेल्या सगळ्यांचे कौतूक''.

माहितीसाठी सांगतो की ,एआर रहमान,अमिताभ बच्चन,शाहरुख खान,विद्या बालन,आमिर खान,सलमान खान,अली फजल,माधुरी दिक्षित,अनिल कपूर,तब्बू,सौमित्र चटर्जी,नसिरुद्दीन शहा,आदित्य चौप्रा,गुनीत मोंगा,एकता कपूर,शोभा कपूर या सेलिब्रिटींची याआधी ऑस्कर समितीवर निवड झालेली आहे.