Kangana Ranaut New Film: बॉलिवूडची क्विन म्हणुन ओळखली जाणारी कंगना राणौत ही सध्या तिच्या फ्लॉप चित्रपटामुळे चर्चेत आहे. काही दिवसांपुर्वी तिचा चंद्रमुखी 2 आणि त्यानंतर तेजस हा सिनेमा बॉक्स ऑफिसवर फ्लॉप गेला.

त्यामुळे आता तिच्या आगामी 'इमर्जन्सी' या चित्रपटाची चर्चा आहे. आता त्यातच कंगनाने तिच्या आगामी नव्या सिनेमाची घोषणा केली आहे ज्याचे चेन्नईत शूटिंगही सुरू झाले आहे.

कंगना रणौतने सोशल मीडियावर पोस्ट शेयर करत तिच्या नवीन चित्रपटाची घोषणा केली. हा चित्रपट सायकोलॉजिकल थ्रिलर आहे. तिने पूजेचा फोटो ट्विटरवर शेअर केला आहे.

यासोबत कंगनाने पोस्टमध्ये लिहिले की, "आज आम्ही चेन्नईमध्ये आमच्या नवीन सायकोलॉजिकल थ्रिलर चित्रपटाच्या शूटिंगला सुरुवात केली. बाकीची माहितीही लवकरच समोर येईल. सध्या या अतिशय रोमांचक स्क्रिप्टला तुमच्या सर्वांच्या समर्थनाची आणि आशीर्वादाची गरज आहे."

कंगनाच्या या सायकोलॉजिकल थ्रिलर चित्रपटात तिच्यासोबत आर माधवन काम करणार असल्याच्या चर्चा आहेच. 'तनु वेड्स मनू' आणि 'तनु वेड्स मनु रिटर्न्स' या चित्रपटात दोघांच्या जोडीने प्रेक्षकांचे खुप मनोरंजन केले होते.

त्यामुळे आता या सायकॉलॉजिकल थ्रिलर चित्रपटासाठी हे दोन्ही कलाकार तब्बल 8 वर्षांनंतर एकत्र येणार आहेत. कंगनाने माधवनसोबतचा तिचा जुना फोटो शेअर करत 'तो परत आला आहे' असे म्हटले आहे. त्यामुळे या चित्रपटात त्यांची जोडी जमणार आहे अशी चर्चा सुरु आहे.

कंगनाचा आगामी चित्रपट 'इमर्जन्सी' 24 नोव्हेंबर 2023 रोजी थिएटरमध्ये प्रदर्शित होत आहे. चित्रपटाचे दिग्दर्शन कंगनानेच केले आहे.

या चित्रपटात ती भारताच्या माजी पंतप्रधान इंदिरा गांधी यांची भूमिकेत दिसणार आहे तर तिच्यासोबत भूमिका चावला, विशाक नायर, श्रेयस तळपदे, महिमा चौधरी, अनुपम खेर आणि मिलिंद सोमण देखील या चित्रपटात दिसणार आहेत. त्याचबरोबर ती 'नोटी बिनोदिनी' या चित्रपटाही काम करणार आहे.

तर दुसरीकडे आर माधवन 'अमेरिकी पंडित', 'टेस्ट', जीडी नायडू बायोपिक, सी शंकरन नायर या चित्रपटांमध्ये झळकणार आहे.