Kareea Kapoor Actress The Buckingham Murders premiere : बॉलीवूडची बेबो म्हणून ओळखल्या जाणाऱ्या करिनानं चाहत्यांना एक गोड बातमी दिली आहे. तिचा आगामी द बकिंगहॅम मर्डर्स नावाचा मुव्ही या लंडनच्या बीएफआय नावाच्या फेस्टिव्हलमध्ये दाखवला जाणार आहे. करिनाच्या करिअरमधील सर्वात मोठी गोष्ट मानली जात आहे.

The Buckingham Murders या चित्रपटाची गेल्या काही दिवसांपासून चर्चा होती. त्याचे दिग्दर्शन हंसल मेहता यांनी केले आहे. मेहता हे त्यांच्या वेगवेगळ्या प्रयोगशील कृतींमुळे ओळखले जाणारे दिग्दर्शक आहेत. यापूर्वी त्यांच्या स्कॅम १९९२ या वेबसीरिजनं प्रेक्षकांचे लक्ष वेधून घेतले आहे. सध्या त्यांची अब्दुल करीम तेलगीच्या आय़ुष्यावरील स्कॅम २००३ ही सीरिज प्रेक्षकांच्या भेटीला आली आहे.

Also Read - दिल्लीतल्या केवळ प्रशासकीय बदल्यांपुरतंच मर्यादित नाही, दिल्ली सेवा विधेयक. काय आहेत

मेहता यांच्या तेलगीच्या मालिकेला प्रेक्षकांचा मोठा प्रतिसाद मिळताना दिसतो आहे. सध्या ते लंडनच्या ६७ व्या बीएफआय या चित्रपट महोत्सवामुळे प्रकाशझोतात आले आहेत. त्यांच्या The Buckingham Murders या चित्रपटाचा प्रीमिअर या महोत्सवात होणार असल्याची माहिती करिनानं तिच्या सोशल मीडिया अकाउंटवरुन शेयर केली आहे. करिनानं इंस्टावर शेयर केलेल्या त्या पोस्टकडे चाहत्यांचे लक्ष वेधले गेले आहे.

करिनानं लिहिलं आहे की,The Buckingham Murders हा हंसल मेहता यांनी दिग्दर्शित केलेला चित्रपट लंडनच्या प्रसिद्ध चित्रपट महोत्सवामध्ये दाखवला जाणार आहे, याचा विशेष आनंद आहे. माझ्यासाठी ही मोठी गर्वाची बाब आहे. या चित्रपटाच्या निमित्तानं जोडलं जाणं माझ्यासाठी वेगळा अनुभव होता. अशा शब्दांत करिनानं तिची भावना व्यक्त केली आहे.

आमिर खानच्या लाल सिंग चढ्ढानंतर करिनाचा The Buckingham Murders हा चित्रपट येतो आहे. त्यामुळे तिच्या चाहत्यांना या चित्रपटाची मोठी उत्सुकता आहे. लाल सिंग चढ्ढाला प्रेक्षकांनी नाकारले होते. त्यावरुन मोठा वादही झाला होता.