Kareena Kapoor And Karishma Kapoor Celebrate Ganesh Festival With Kapoor Family : बाॅलीवूडच्या कपूर कुटुंबीयांनी गुरुवारी गणेश चतुर्थी एकत्र साजरा केली. करिना कपूर (Kareena Kapoor) आणि करिश्मा कपूरने (Karishma Kapoor) सोशल मीडियावर गणपती पूजेचे अनेक आकर्षक फोटो शेअर केले आहेत. पूजा त्यांचे वडील रणधीर कपूर यांच्या घरी झाली. करिनाची आई बबिता, काकू रीमा जैन, चुलत भाऊ आधार जैन आणि अरमान जैन तसेच अरमानची पत्नी अनिसा मल्होत्रा-​​जैन यांनीही गणपती पूजेला हजेरी लावली होती.

करिनाचा मुलगा जेह

करीना कपूरने या खास सोहळ्याचे फोटो इंस्टाग्रामवर चाहत्यांसोबत शेअर केले आहेत. शेअर केलेल्या फोटोमध्ये करीना तिचा मुलगा जहांगीर अली खानसोबत गणेश मूर्तीसमोर बसलेली दिसत आहे. या फोटोमध्ये करीना मल्टिकलर सूटमध्ये खूपच सुंदर दिसत आहे. आणि तिचा मुलगा जेह याने पांढर्‍या पँटसह काळ्या रंगाचा टी-शर्ट घातला आहे. दुसऱ्या एका चित्रात जेह फळांच्या टोपलीतून फळे उचलताना दिसत आहे. (Ganesh Festival)

करीनाच्या पोस्टवर तिची वहिनी सबा पतौडीने लिहिले, गणेश चतुर्थीच्या शुभेच्छा. या शिवाय फॅमिली फोटोमध्ये जेहची खोडकर स्टाईल खूपच क्यूट दिसत आहे. जेहच्या फोटोसाठी एका चाहत्याने लिहिले, 'ओ सो क्यूट'. दुसऱ्या एका चाहत्याने लिहिले, 'तुम्हा दोघांसाठी प्रेम.' या फोटोंवर चाहते प्रेमाचा वर्षाव करताना दिसले.

करिश्माने लिहिले 'फॅमिली'

करिश्मा कपूरने या खास प्रसंगी गडद पिवळ्या रंगाचा सूट निवडला. शेअर केलेल्या फोटोमध्ये करिश्मा गणपतीच्या मूर्तीसमोर बसलेली दिसली. नेहमीप्रमाणे ती तिच्या पारंपारिक लूकमध्ये जबरदस्त दिसत होती. या कौटुंबिक सेलिब्रेशनच्या क्षणी करिश्मा आणि करीना व्यतिरिक्त, चित्रात तिचे पालक रणधीर कपूर आणि बबिता तसेच रणधीरची बहीण रीमा देखील हजर होती. अरमानची पत्नी अनिसासोबत त्याची दोन मुलं आधार आणि अरमानही होते. करिश्माने या फोटोला 'फॅमिली' असे कॅप्शन दिले आहे.