Viral Video: प्रियंका चोप्रा आणि करीना कपूर दोघीही जणी त्यांच्या अफेअर्समुळे लग्नाआधी नेहमीच चर्चेत राहिल्या आहेत. दोघींनी एकेकाळी एकाच अॅक्टरला डेट केलं आहे. आणि याचविषयी नेमकं करणनं त्याच्या 'कॉफी विथ करण' या चॅट शो मध्ये दोघींना अचानक छेडलं. सध्या या शो चा जुना व्हिडीओ पुन्हा एकदा जोरदार व्हायरल होताना दिसत आहे.

आम्ही बोलतोय शाहिद कपूर विषयी. शाहिद कपूर आणि करीना कपूर यांनी एकमेकांना तब्बल ५ वर्ष डेट केलं होतं. तर प्रियंका आणि शाहिदनं जवळपास तीन वर्ष डेट केलं होतं. २०१९ मध्ये आलेल्या 'कॉफी विथ करण'च्या सीझन ६ मधील १९ व्या एपिसोडमध्ये करीना आणि प्रियंका एकत्र आल्या होत्या. यादरम्यान करणने दोघींना शाहिदविषयी प्रश्न विचारला होता.

शो मध्ये झालेल्या संवादा दरम्यान करण जोहरनं दोन्ही अभिनेत्रींना प्रश्न विचारला आहे की,'शाहिद दोघींचा देखील एक्स बॉयफ्रेंड आहे'. ज्यानंतर प्रियंका चोप्रा बोलते,'हा काही वादाचा मुद्दा नव्हता आमच्या दरम्यान. आमच्यासाठी हा कॉमन मुद्दा होता'. यावर करीना देखील पटकन रिप्लाय देते,'हो..हे खरं आहे'.

यापुढे करण जोहर करीनाकडे पाहत म्हणतो की, 'शाहीदला तू ५ वर्ष डेट केलं आहेस आणि प्रियंकाला म्हणतो,'तू २ वर्ष शाहीदला डेट केलंयस'.

यावर मजेदार अंदाजात म्हटलं,'मी केलंय का?' करण सरप्राइज होऊन विचारतो,'तुम्हा दोघींना हे अमान्य आहे का?' मग करिना देसी गर्ल प्रियंकाला म्हणते,'मला नाही माहीत याचं उत्तर..तू बोल..',

यावर प्रियंका हसून बोलते,'मी हे नाकारतही नाही..ना याचा स्विकार करते'. हा व्हिडीओ आता पुन्हा एकदा व्हायरल होताना दिसत आहे. आणि लोक जोरदार कमेंट्सचा वर्षाव करत आहेत.