Kartik Aryan at Lalbaugcha Raja: कार्तिक आर्यन हा मराठी मनोरंजन विश्वातील लोकप्रिय अभिनेता. कार्तिकला आपण आजवर विविध सिनेमांमधून अभिनय करताना पाहिलंय.

कार्तिक गेल्या काही वर्षांपासुन चांगलाच चर्चेत आहे. त्याचा भूल भुलैया 2, सत्यप्रेम की कथा हे सिनेमे प्रचंड यशस्वी झाले. आज गणेश चतुर्थी निमित्त कार्तिकने लालबाग राजाचे मनोभावे दर्शन घेतले.

कार्तिक आर्यन लालबाग राजा चरणी नतमस्तक

कार्तिक आर्यनचे फोटो सोशल मिडीयावर चांगले व्हायरल झालेत. या फोटोत कार्तिक लालबाग राजाच्या चरणी नतमस्तक झालाय.

कार्तिकने भगव्या रंगाचा कुर्ता परिधान केलेला दिसून येतोय. कार्तिकने हात जोडून लालबाग राजाला नमस्कार केला अन् प्रार्थना केली.

कार्तिक आर्यनला पाहायला भाविक भक्तांची चांगलीच झुंबड उडाली होती. कार्तिकने पहिल्याच दिवशी सकाळी लवकर जाऊन लालबाग राजाचे दर्शन घेतले.

कार्तिक आर्यनचं वर्कफ्रंट

वर्क फ्रंटबद्दल बोलायचे झाले तर कार्तिक आर्यन आणि कियारा अडवाणी यांचा रोमँटिक ड्रामा चित्रपट 'सत्यप्रेम की कथा' थिएटरमध्ये प्रचंड गाजला होता. चित्रपटाचे दिग्दर्शक समीर विद्वांस आहेत.

बकरी ईदच्या मुहूर्तावर २९ जून रोजी प्रदर्शित झालेल्या या चित्रपटाने बॉक्स ऑफिसवर चांगली कमाई केली होती. आता कार्तिक आगामी चंदू चॅम्पियन, भूल भूलैया 3 अशा सिनेमांमध्ये झळकणार आहे.

लालबागचा राजा तर्फे इर्शाळवाडीसाठी मदत

लालबागचा राजा सार्वजनिक श्री गणेशोत्सव मंडळाचे वैशिष्ट्य असणारा ‘पान-सुपारी’ कार्यक्रम २४ सप्टेंबर रोजी राजाच्या दरबारात होणार आहे. यंदा दरडग्रस्त इर्शाळवाडीतील पीडितांना मदत करून दुर्घटनेमध्ये मदत केलेल्या हातांचा सन्मान केला जाणार आहे.

मुंबईसह देश-विदेशातील गणेशभक्त श्री गणरायाची वाट बघत असतो. गणपती बाप्पाच्या अशा भक्तांसाठी मंडळाकडून विविध सामाजिक उपक्रम राबवले जातात.

‘पान-सुपारी’ हा त्यातील एक वैशिष्ट्यपूर्ण आणि लालबागच्या राजाच्या परंपरेतील महत्त्वाचा कार्यक्रम असतो. ‘पान-सुपारी’मध्ये मंडळाकडून आपले सामाजिक दायित्व जपले जाते.

सामाजिक कार्यात अग्रेसर असणाऱ्या व्यक्ती, सामाजिक संघटना यांचा सन्मान केला जातो. यंदा २४ सप्टेंबर रोजी सायंकाळी हा कार्यक्रम राजाच्या दरबारात होणार असल्याची माहिती मंडळाचे अध्यक्ष बाळासाहेब कांबळे यांनी दिली.