Entertainment News: टॉलीवूडचा बहुचर्चित अशा केजीएफच्या पहिल्या भागाला (KGF 2) प्रचंड प्रतिसाद मिळाला आहे. गेल्या तीन वर्षांपासून चाहते आणि प्रेक्षक केजीएफच्या दुसऱ्या भागाची चातकाप्रमाणे वाट पाहत होते. येत्या आठवड्यात हा (Tollywood Movies) चित्रपट प्रेक्षकांच्या भेटीला येणार आहे. त्याच्या ट्रेलरलाच (Viral Trailer) मिळालेला प्रचंड प्रतिसाद पाहता चित्रपटाला मिळणाऱ्या प्रतिसादाविषयी चर्चा सुरु झाली होती. ट्रेलरला दोन कोटींहून अधिक व्ह्युज (Bollywood Movies) मिळाले होते. आता त्याच्या तिकिट बुकींगची चर्चा सुरु झाली आहे. गेल्या बारा तासांत पाच हजार तिकिटं विकली गेली आहे.

केजीएफ 2 हा प्रदर्शनापूर्वीच जोरदार कमाई करत असल्याचे दिसून आले आहे. येत्या काळात हा चित्रपट बंपर कमाई करणार असे अनेक तज्ञांनी सांगितलं आहे. गेल्या अनेक दिवसांपासुन केजीएफच्या नावाची मोठ्या प्रमाणवर चर्चा आहे. चित्रपटाच्या प्री बुकींगला सुरुवात झाली आहे. आतापर्यत बारा तासांत पाच हजाराहून अधिक तिकिटं विकली गेली आहेत. केजीएफचा पहिला भाग हा 2018 मध्ये आला होता. कोरोनाचा मोठा फटका केजीएफला बसला होता. अखेर प्रशांत नीलद्वारा दिग्दर्शित केजीएफचा दुसरा भाग 14 एप्रिलला प्रदर्शित होणार आहे. दुसऱ्या भागामध्ये अभिनेत्री रवीना टंडन, संजय दत्त, यांच्या प्रमुख भूमिका आहेत. हा चित्रपट कन्नड, तेलुगू, हिंदी, मल्याळम आणि तमिळमध्ये प्रदर्शित होणार आहे.

केवळ भारतातच नाहीतर जगातील वेगवेगळ्या देशांमध्ये देखील केजीएफची मोठी क्रेझ आहे. त्याची चाहते मोठ्या आतुरतेनं वाट पाहत आहेत. मीडियातील सुत्रांनी दिलेल्या माहितीनुसार, चाहत्यांची उत्सुकता शिगेला पोहचली आहे. बॉक्स ऑफिसवर हा चित्रपट विक्रमी कमाई करेल. असा अंदाज नेटकऱ्यांनी वर्तवला आहे. केजीएफ 2 हा टॉलीवूडचा पहिला चित्रपट आहे जो ग्रीसमध्ये प्रदर्शित होणार आहे.