Liger Film Day 4 Box Office Collection : विजय देवरकोंडा आणि अनन्या पांडे यांचा चित्रपट 'लाइगर' गुरुवारी २५ ऑगस्ट रोजी प्रदर्शित झाला. ट्रेलर प्रोमोज आणि गाणे पाहिल्यानंतर प्रेक्षकांमध्ये चित्रपटाविषयी चांगली भावना होती. विजय देवरकोंडाने (Vijay Deverakonda) चित्रपटाचे प्रमोशनही जोरदार केला. मात्र बाॅक्स ऑफिस रिझल्ट समाधानकारक नाही. समीक्षकांनी चित्रपटाची केलेली नकारात्मक समीक्षा आणि प्रेक्षकांनी पाठ फिरवल्याचा हा परिणाम दिसत आहे.

हे सर्व मिळून 'लाइगर' ला (Liger) बाॅक्स ऑफिसवर (Liger Box Office) एक म्हणावी अशी सुरुवात झाली नाही. चित्रपटाने पहिल्या दिवसी देशभरात १५.९५ कोटी रुपयांची कमाई केली. आता लाइगरची रविवारची कमाईचे आकडे समोर आले आहे.

ते पाहिल्यानंतर वाटते की विजय देवरकोंडाच्या चित्रपटाचे भविष्य धोक्यात आहे. सुरुवातीच्या आकडेवारीनुसार पहिल्या रविवारी लाइगरने बाॅक्स ऑफिसवर ५.५० कोटी रुपयांचा गल्ला जमवला आहे. हे चित्रपटाचा भारतीय बाॅक्स ऑफिस कलेक्शन आहे.

भारतात ४० कोटीही नाही

२५ ऑगस्ट रोजी प्रदर्शित 'लाइगर'ने बाॅक्स ऑफिसवर शुक्रवारी ७.७ कोटी आणि शनिवारी ६.९५ कोटी रुपये कमवले. जर रविवारचे अंदाजित आकडे जरी यात जोडले तरी चित्रपटाने भारतात आतापर्यंत जवळपास ३० कोटी रुपयांपेक्षा काही जास्त बाॅक्स ऑफिसवर कमाई केली आहे. (Bollywood News)

विदेशात थंड प्रतिसाद

लाइगरला परदेशातही खूप चांगला प्रतिसाद मिळालेला नाही. चित्रपटाने पहिल्या दिवसात जगभरात ४२ कोटींचा ग्राॅस बाॅक्स ऑफिस कलेक्शन (Liger World Wide Collection) केले होते.

भारतातीय कामगिरी पाहाता परदेशात फारसा कमाई होईल याबाबत शंका आहे. एकूण आकडेवारी पाहिल्यास विजय देवरकोंडाच्या चित्रपटाने ४ दिवसांत जगभरातील कलेक्शन ५० कोटींचा आकडाही पार केलेला नाही.