मुंबई ः लॉकडाऊनमुळे अनेकांच्या नोकऱ्यांवर गदा आली असून त्यामुळे अनेकजण नैराश्याचा सामना करत आहे. लॉकडाऊनमुळे आर्थिक संकट ओढवल्याचा प्रसंग केवळ चाकरमान्यांवरच आला नाही तर चित्रपटसृष्टीत काम करणाऱ्या कलाकारांनाही त्याचा फटका बसत आहे. लॉकडाऊनचा फटका अनेकांना बसला असून त्याबद्दल अनेक प्रकरणे विविध मार्गांनी लोकांसमोर येत आहेत. 

वाचा ः राज्यातील धार्मिक स्थळे तूर्तास बंदच; राज्य सरकारची अद्याप परवानगी नाही... 

चित्रपट दिग्दर्शक विक्रम भट्ट यांच्या 'हॉंटेड 3डी' आणि 'इवील रेकॉर्ड्स' मध्ये काम करणाऱ्या अभिनेत्री टीया वाजपेयी हिला लॉक डाऊनमुळे मानसिक , शारीरिक व आर्थिकदृष्ट्या त्रासाला सामोरे जावे लागत असल्याचे म्हटले आहे. टीयाने मित्र-मैत्रिणींशी आपल्या भावना व्यक्त केल्या आहे. आत्महत्येचे विचार मनात येत असल्याबद्दल सांगून ही वेळ आमच्या सारख्या कलाकारांसाठी अत्यंत वाईट असल्याचे टीयाने म्हटले आहे. 

वाचा ः लॉकडाऊनचा असाही फायदा; दिवा लेव्हल क्रॉसिंगचे काम दोन आठवड्यात पूर्ण

टीया म्हणाली की, आर्थिक संकट हे मोठ्या प्रमाणावर असून लॉकडाऊनच्या परिस्थितीत काय करावे सूचत नाही. माझ्याजवळचे असलेले पैसे केव्हाच खर्च झाले आहेत. कोणत्याही प्रकारची बचत संपली आहे. आता मला माहिती नाही कि माझे आता काय आणि कसे होईल. एक आठवडा मी रडले व एक दिवस आईला फोन करून परिस्थिती सांगितली. टीया मार्च महिन्यात तिच्या टीमसोबत आंतरारार्ष्ट्रीय म्युझिक टूर करणार होती आणि त्या संपूर्ण दौर्याचा खर्च तिने केला होता. त्यासाठी तिने हॉटेल, प्रवासाचे सर्व बुकिंग व अन्य सर्व खर्च केला होता. माझे पैसे गेले, आता काय करू, असा प्रश्न तिने मित्रांना केला आहे.

वाचा ः नवी मुंबईत अत्याधुनिक कोरोना रुग्णालय; वाशीतील सिडको प्रदर्शन केंद्रातील काम अंतिम टप्प्यात 

लॉकडाऊनची घोषणा झाल्यावर मी कोसळले. मला समजले की आता पाच-सहा महिने काम नसेल व हातातील सर्व पैसै खर्चून बसले. मला माझ्या मित्र परिवाराने आर्थिक मदत केली, असे टीया म्हणाली. सध्या मी ऑनलाईन काम सुरु केले असून गाण्यावर काम सुरु असल्याचे तिने सांगितले.