Manoj Bajpayee Post: बॉलीवूडमधील प्रसिद्ध अभिनेता मनोज वाजपेयीनं त्याच्या सत्या नावाच्या चित्रपटामध्ये भिक्कु म्हात्रेची भूमिका साकारली होती. आता तो पुन्हा एकदा त्याच व्यक्तिरेखेमुळे चर्चेत आला आहे. सोशल मीडियावर मनोजची एक पोस्ट व्हायरल झाली आहे. त्यामध्ये त्यानं मुंबई का किंग कौन असा प्रश्न विचारत दिलेलं उत्तर चर्चेत आलं आहे.

प्रसिद्ध दिग्दर्शक राम गोपाल वर्मा यांच्या सत्या नावाच्या चित्रपटातून मनोज लाईमलाईटमध्ये आला होता. यात गंमतीशीर गोष्ट अशी की, ह्टिज म्युझिकनं देखील ट्विटरवर मुंबई का किंग कौन असा प्रश्न विचारला होता. त्याचे उत्तर म्हणून मनोजनं #BhikuMhatre असे म्हटले होते. वास्तविक हा सत्यामधील खास डायलॉग आहे. तो व्हिडिओ पाहिल्यानंतर अनेक युझर्सला मनोज हा सत्या २ घेऊन येतो आहे असे वाटते आहे. याविषयी खरं काय ते येत्या काही दिवसांत कळणार आहे.

हेही वाचा - मुदत ठेवीच्या मुद्दलातून टीडीएस कपात? इथे करा तक्रार....

मनोजनं एक व्हिडिओ पोस्ट केला आहे. त्यामध्ये त्यानं आपण पुन्हा एकदा त्याच भूमिकेत येत आहोत ज्या व्यक्तिरेखेनं आपल्याला मोठं केलं. यानंतर नेटकऱ्यांनी, चाहत्यांनी त्या व्हिडिओवर वेगवेगळ्या प्रतिक्रिया देण्यास सुरुवात केली आहे. एका युझर्सनं लिहिलं आहे की, आता खूप मजा येणार, भारतीय चित्रपट क्षेत्रातील एक लक्षवेधी भूमिका करण्याची संधी पुन्हा एकदा आमच्या आवडत्या अभिनेत्याला मिळणार आहे.

सत्यामध्ये मनोज वाजपेयीनं साकारलेला भिक्कु म्हात्रे हा फार लोकप्रिय झाला होता. त्यामुळेच त्याचे सगळीकडे नाव झाले. सत्यापूर्वी त्यानं अनेक चित्रपटांमध्ये लहान लहान भूमिका केल्या होत्या. मात्र भिक्कुच्या भूमिकेनं त्यानं कित्येकांचे लक्ष वेधून घेतले होते. निर्माते, दिग्दर्शक यांच्यापर्यत मनोज वाजपेयीचे नाव पोहचले होते. ९० च्या दशकात प्रदर्शित झालेल्या सत्यानं मोठी लोकप्रियता मिळवली होती. त्यातील गाणी आणि संवाद अद्यापही चाहत्यांच्या लक्षात आहेत.