Hrishikesh Joshi News: दिवाळी सण सगळीकडे उत्साहात साजरा झाला. अनेकांनी दिव्यांची आरास करत, गोडधोड मिठाई - फराळाचा आस्वाद घेत दिवाळी उत्साहात साजरी केली. दिवाळीनिमित्त विविध ठिकाणी सुंदर रांगोळी काढली जाते. अशीच एक रांगोळी सध्या चर्चेत आहे.

एके ठिकाणी मराठी अभिनेता हृषिकेश जोशीची खास रांगोळी काढण्यात आली. ही रांगोळी बघताच हृषिकेश यांनी सोशल मीडियावर खास पोस्ट लिहीलीय.

हृषिकेश यांनी सोशल मीडियावर रांगोळीचा खास फोटो केला शेअर

हृषिकेश जोशी हे मराठी मनोरंजन विश्वातील चर्चेतील अभिनेते. हृषिकेश सोशल मीडियावर सक्रिय असतात. हृषिकेश यांनी इन्स्टाग्रामवर एक खास फोटो शेअर केलीय.

देऊळ सिनेमात हृषिकेश यांनी टॉम्या उर्फ जांबुवंतरावची भूमिका साकारली होती. मनात आहे निसतं पण बॉडी नाय म्हणती हा टॉम्याचा डायलॉग फेमस आहे.

या डायलॉगचा वापर करत, चांगली रांगोळी काढणं मनात आहे निसतं पण बॉडी नाय म्हणती, अशी खास रांगोळी काढण्यात आलीय.

हृषिकेश जोशींनी रांगोळी काढणाऱ्या कलाकारासाठी केली खास पोस्ट

हृषिकेश जोशीनी या रांगोळीचा खास फोटो शेअर करुन पोस्ट लिहीलीय की, हे जे कोण कलाकार आहेत त्यांना दंडवत..... एखादं पात्र अनेक वर्षे लोकांच्या डोक्यात मनात घर करून राहणं हीच लेखकाला दिलेली पावती असते... जे पात्र गिरीश कुलकर्णी यांनी लिहलं होतं, जे मी फक्त सादर केलं होतं..

एकूणच हृषिकेश यांना रांगोळी आवडलेली दिसत असुन; त्यांनी रांगोळी काढणाऱ्या कलाकाराचं कौतुक केलंय