Actress Deepa parab Podcast:  झी मराठीवरील 'तू चाल पुढं' ही मालिका काही दिवसातच प्रेक्षकांच्या पसंतीस उतरली आहे. या मालिकेत अश्विनी वाघमारे आणि तिच्या कुटुंबाचा संघर्ष दाखविण्यात आला आहे.

एक सर्व सामान्य गृहिणी जेव्हा स्वत:च्या पायावर उभं राहण्याचा प्रयत्न करते त्यावेळी तिची जिद्द, तिला होणारा विरोध आणि या सर्वातुन वाट काढत ध्येयाचा पाठलाग करत ती यशस्वी कशी होते हे सर्व उत्तमरित्या या मालिकेत दाखविण्याचा प्रयत्न करण्यात आला आहे. महिला वर्गात या मालिकेची विशेष क्रेझ आहे.

दरम्यान या मालिकेच्या माध्यमातुन अश्विनी या मध्यवर्ती भूमिकेच्या माध्यमातून अभिनेत्री दीपा परबनं पुन्हा मनोरंजन विश्वात जोरदार कमबॅक केलं. तिची लोकप्रियता ही किती आहे हे काही वेगळ सांगण्याची गरज नाही.

नुकतच दीपानं ईसकाळला पॉडकास्ट मुलाखत दिली. यामुलाखचतीत तिनं अनेक विषयांवर मनमोकळ्या गप्पा मारल्या. तिचा चित्रपट ते मालिकेचा प्रवास, तिचं आणि तिचा नवरा अभिनेता अंकुश चौधरी याचं नात त्याबरोबर तिच्या मुलाविषयीदेखील तिनं या पॉडकास्टमध्ये गप्पा मारल्या आहेत.

दीपा परबनं ईसकाळला दिलेल्या पॉडकास्ट मुलाखतीची लिंक बातमीत जोडली आहे. तर ती नक्कीच ऐका..

याच ईसकाळ मुलाखतीत दीपानं तिच्या आणि अंकुशच्या लव्हस्टोरीविषयी ,त्यांच्यातील बॉन्डिंगविषयी आणि तिच्या नात्याविषयी सांगतिलं. तिनं ची लव्हस्टोरीही सांगितली. मात्र प्रेम असतं तिथे भांडणही होतातच यावेळी दीपा ती परिस्थीती कशी हाताळते याबद्दलही ती बोलली.

यावेळी दीपाला विचारण्यात आलं की तुम्ही दोघंही म्हणजेच दीपा आणि अभिनेता अंकुश चौधरी खुप लोकप्रिय आहात. दोघांचे फॅनही खुप आहेत. त्यामुळे दोघांमध्ये कुठे इनसिक्योरिटी आहे का असं विचारण्यात आल्यावर तिने सांगतिलं की, 'तुमचा जर नात्यावर विश्वास असेल तर तुमच घर कधीच तुटत नाही. आम्ही दोघंही एकमेकांच्या कामात लूडबूड करत नाही.'

एकंदरित जर तुमचं तुमच्या जोडीदारावर प्रेम आणि विश्वास असेल तर तुम्हाला त्याच्या विषयी काहीच असुरक्षितता नसते. तुमचा त्याच्यावर विश्वास असेल तर तुमचं नात अधिक घट्ट होत असचं सांगण्याचा प्रयत्न तिने तिच्या चाहत्यांना केला.