Rakesh Kumar passes away: मनोरंजन विश्वातून गेल्या काही दिवसात सातत्याने वाईट बातम्या येत आहेत. अभिनेता सिद्धांत वीर सूर्यवंशी याचे निधन होऊन काही दिवस उलटले नाही तोवरच बॉलीवुडला पुन्हा एक धक्का बसला आहे. लेखक, दिग्दर्शक, निर्माते अशी नाहु ख्याती असलेले बॉलिवूडचे ज्येष्ठ कलाकार राकेश कुमार (Rakesh Kumar) यांचे निधन झाले आहे.

('Mr Natwarlal', 'Yaarana' director Rakesh Kumar passes away)

राकेश कुमार यांनी वयाच्या 81 व्या वर्षी अखेरचा श्वास घेतला आहे. दिग्दर्शक राकेश कुमार यांच्या निधनाने बॉलिवूडध्ये शोककळा पसरली आहे. राकेश कुमार गेल्या काही दिवसांपासून कर्करोगासारख्या गंभीर आजाराशी झुंज देत होते. राकेश यांच्या पश्चात पत्नी, एक मुलगा व एक मुलगी असा परिवार आहे.

अमिताभ बच्चन यांच्या कारकीर्दीतील अनेक सिनेमांचं दिग्दर्शन राकेश यांनी केले होते. तर 'खून पसीना', 'दो और दो पांच' आणि 'याराना' यांसारख्या अनेक गाजलेल्या सिनेमांच्या दिग्दर्शनाची धुरा राकेश कुमार यांनी सांभाळली आहे. तसेच 'मिस्टर नटवरलाल' हा त्यांचा चित्रपट प्रेक्षकांनी अक्षरशः डोक्यावर घेतला होता. या सिनेमात अमिताभ बच्चन, रेखा, कादर खान आणि अमजद खान मुख्य भूमिकेत होते.राकेश कुमार यांना अमिताभ बच्चन यांच्यासह बॉलीवुडमधील अनेक कलाकारांनी श्रद्धांजली वाहिली आहे.