Namrata Sambherao Son Video: नम्रता संभेराव ही महाराष्ट्राची हास्यजत्रामधील लोकप्रिय अभिनेत्री. नम्रताने महाराष्ट्राची हास्यजत्रेत विविध भुमिका साकारुन प्रेक्षकांचं प्रेम मिळवलं.

नम्रता सोशल मीडियावर अनेकदा तिच्या कुटुंबाशी संबंधित व्हिडीओ शेअर करत असते. अशातच नम्रताने एक व्हिडीओ शेअर केलाय. यात नम्रताचा मुलगा आईला मराठी बोलण्याचा आग्रह करताना दिसतोय.

(Namrata Sambherao's son video viral feels proud on Marathi language)

नम्रताच्या मुलाचा मराठी बोलण्याचा आग्रह

नम्रता संभेरावने सोशल मिडीयावर एक व्हिडीओ शेअर केलाय. यात तिचा मुलगा रुद्राज आईला मराठीत बोलायला सांगतोय.

"आपली अमेरिका नाहीये आई, आपली इंडिया आहे. इंडियामध्ये सगळे मराठीच बोलतात. आणि तू इंडियामध्ये बोलतेय इंग्लिश. इंडियामध्ये मराठीच बोलायचं इंग्लिश नाही बोलायचं." असं रुद्राज आईला सांगतो.

यावर नम्रता त्याला म्हणते, "मराठीच बोलू. इंग्लिश नको बोलू.

"हो आई!", असं रुद्राज आईला सांगतो. हा व्हिडीओ पाहून सर्वजण नम्रताच्या मुलाचं कौतुक करत आहेत.

नम्रता मुलाबद्दल म्हणते..

"माझ्या बाळाची मराठी बद्दलची आत्मियता आणि प्रेम बघून खूप अभिमान वाटला.
मराठी माध्यमं लोप पावत चालली आहेत ह्याची खूप खंत वाटते. आमच्या आसपास मराठी माध्यम नाही ही वाईट परिस्थिती आहे," अशा भावना या व्हिडीओखाली नम्रताने व्यक्त केल्यात.

महाराष्ट्राची हास्यजत्रा फेम नम्रता संभेराव सोशल मिडीयावर चांगलीच चर्चेत असते. नम्रताचं प्रचंड फॅन फोलोईंग आहे. नम्रता आणि तिचा मुलगा रुद्राजची जोडी सर्वांना आवडते.