नेहा कक्कर आणि आदित्य नारायण यांच्या लग्नाच्या बातम्यांमुळे इंडियन
आयडल ११च्या टीआरपीमध्ये मोठी वाढ झालीये. या शो दरम्यान या दोघांच्या लग्नाचे विधी देखील चालू झाले होते, मात्र नंतर हे लग्न काही झालं नाही.. या सगळ्यावर गायिका नेहा कक्करने एका मुलाखतीत आदित्य नारायणच्या
लग्नाबाबत मोठा खुलासा केलाय..

ट्रम्प यांनी केलं आयुषमानच्या 'शुभमंगल'चं कौतुक, म्हणाले...

या मुलाखतीत तीने म्हटलंय, 'आदित्य खुपंच चांगला माणूस आहे. त्याचा स्वभाव खूपंच छान आहे. पण मला हे सांगण्यास अत्यंत आनंद होत आहे की माझा जवळचा लाडका मित्र आदीत्यचं लग्न या वर्षी त्याच्या गर्लफ्रेंडसोबत होत आहे..मी त्यांना मनापासून खूप शुभेच्छा देते आणि ही जोडी नेहमी अशीच सोबत राहावी अशी प्रार्थना करते..' नेहा आणि आदित्यच्या लग्नाच्या बातम्यांनी तेव्हा जास्त जोर पकडला होता जेव्हा त्यांचा वरमाला घालतानाचा व्हिडिओ व्हायरल झाला होता. हा व्हिडिओ इंडियन आयडल सेटवरचाच होता..हा व्हिडिओ व्हायरल झाल्यानंतर यावर आदित्यने स्पष्टीकरण देखील दिलं होतं..आदित्यने एका मुलाखतीत म्हटलं होतं, 'जर मी माझ्या आयुष्यातील एवढा मोठा निर्णय घेणार असेल तर त्याची घोषणा मी स्वत: करेन..लग्न हा माझ्यासाठी खूप मोठा निर्णय आहे. मी तो लपवणार नाही. खर हे आहे की हे सगळं मस्तीमध्ये सुरु झालं पण लोकांनी ते फारच गंभीरतेने घेतलं. काही दिवसांपासून सोशल मिडीयावर बरंच काही चालू आहे जे चूकीचं आहे. मिडीयामधील कोणीही आमच्याकडे खरं जाणून घेण्यासाठी आलं नाही.. हे
सगळं केवळ एका रिऍलिटी शोच्या टीआरपीसाठी केलं गेलं होतं. शोच्या
मेकर्सने आम्हाला जे करायला सांगितलं ते आम्ही केलं मात्र ही केवळ एक
थट्टा होती..'

ताज्या बातम्यांसाठी डाऊनलोड करा ई-सकाळचे ऍप

आदित्यच्या या स्पष्टीकरणानंतर नेहा आणि आदित्यचं एक व्हिडिओ साँग रिलीज झालं होतं ज्याचं नाव होतं गोवा बीच. या गाण्याचं दिग्दर्शन नेहाचा भाऊ टोनी कक्कर याने केलं होतं...काही दिवसांपूर्वीच आदीत्य आणि नेहाच्या लग्नावर उदित नारायण यांनी देखील आपलं मत मांडल होतं..ते सांगतात, 'हा
सगळा प्रकार इंडियन आयडल ११चा टीआरपी वाढवण्यासाठी चालू आहे कारण नेहा या शोची परिक्षक तर आदीत्य या शोचा सुत्रसंचालक आहे..'