शाहरुख खान याने 4 वर्षानंतर बॉक्स ऑफिसवर धडाकेबाज पुनरागमन केलं. त्याच्या 'पठाण' चित्रपटाने प्रेक्षकांना तर पार वेड केलं आहे. थिएटर्सपासून बॉक्स ऑफिसपर्यंत 'पठाण'ची दमदार कामगिरी सुरू आहे. कलेक्शनच्या बाबतीत, चित्रपटाने दंगललाही मागे टाकले आहे आणि देशातील सर्वाधिक कमाई करणारा बॉलिवूड चित्रपट बनला आहे.

सर्वांनावरचं पठाणने भुरळ घातली आहे. थिएटरमधून बाहेर आल्यानंतर सर्वच प्रेक्षक या चित्रपटाचं भरभरुन कौतुक करत आहेत, मात्र एका लहान मुलीला हा चित्रपट आवडला नाही. खरं तर, एका तरुणाने ट्विटरवर एक व्हिडिओ शेअर केला आहे, ज्यामध्ये तो त्या लहान मुलीला विचारतो, 'कोणता पिक्चर पाहिला अहाना ?' यावर ती 'पठाण' असे उत्तर देते. पण तिला पठाण आवडला का असे विचारल्यावर ती 'नाही' म्हणते.

यानंतर तरुणाने का विचारले आणि व्हिडिओ संपला. हा व्हिडिओ शेअर करताना शाहरुख खानला टॅग करण्यात आले आहे.

या व्हिडिओवर शाहरुख खानने आता एक मजेशीर उत्तर दिले आहे, ज्याला सोशल मीडिया यूजर्सकडून पसंती मिळत आहे. किंग खानने लिहिले, 'अरे ओह...!! तुम्हाला अजून जास्त प्रयत्न करावे लागतील. ड्रॉइंग बोर्डकडे परत आलो. तरुण प्रेक्षकांना निराश करू शकत नाही. शेवटी हा देशातील तरुणांचा प्रश्न आहे कृपया DDLJ ट्राय करुन पहा, कदाचित ती रोमँटिक असेल...मुलांना आपण ओळखू शकत नाही.'

तर दुसरं ट्विट हे रेणूका शहाणे यांनी 'पठाण' चित्रपट बघण्यास जात आहोत असं सांगितलं आणि त्यांनतर त्याला ही शाहरुखने रिप्लाय दिला आहे. यात शाहरुख म्हणतोय, 'कर्नल लुथराजी यांना तुम्ही सांगितलं की, तुम्ही माझ्या चित्रपटातील पहिल्या अभिनेत्री होतात. किंवा आपण हे एक टॉप सीक्रेट ठेवावं अन्यथा ते मला एजन्सीमधून काढून टाकू शकतात'

पठाण' बद्दल बोलायचे तर हा चित्रपट सिद्धार्थ आनंदने दिग्दर्शित केला आहे. या चित्रपटात शाहरुख खान व्यतिरिक्त दीपिका पदुकोण आणि जॉन अब्राहम यांच्या प्रमुख भूमिका आहेत.