Pippa Teaser Release इशान खट्टर, प्रियांशू पैन्युली आणि मृणाल ठाकूर यांचा पिप्पा चित्रपट रिलीजसाठी सज्ज आहे. भारताच्या स्वातंत्र्याला ७५ वर्षे पूर्ण झाल्याच्या निमित्ताने निर्मात्यांनी सोमवारी चित्रपटाचा टीझर शेअर केला आहे. पिप्पाची कथा १९७१ च्या भारत (India) आणि पाकिस्तानमधील (Pakistan) युद्धावर आधारित आहे. ज्यानंतर बांगलादेश या नवीन देशाची निर्मिती झाली.

चित्रपटात इशान खट्टर कॅप्टन बलराम सिंग मेहता यांची भूमिका साकारत आहे. चित्रपटात प्रियांशु पैन्युलीही आर्मी ऑफिसरच्या भूमिकेत दिसत आहे. त्यांच्यासोबत मृणाल ठाकूर आणि सोनी राजदानही महत्त्वाच्या भूमिकेत दिसणार आहेत. टीझरची सुरुवात १९७१ च्या युद्धात भारताच्या पंतप्रधान इंदिरा गांधी यांच्या आवाजाने होते. त्यांनी पाकिस्तानसोबत युद्धाची घोषणा केली होती.

सुमारे एक मिनिटाचा हा टीझर इमोशन आणि युद्धाच्या दृश्यांनी भरलेला आहे. इशान एक तरुण भारतीय सैनिक बनला आहे. जो तत्कालीन पूर्व पाकिस्तान (आता बांगलादेश) मुक्त करण्यासाठी युद्ध लढणाऱ्या भारतीय (India) सैन्याचा युद्ध नायक आहे. पिप्पाची कथा हृदयाला भिडते आणि एक मोठा संवाद ऐकायला मिळतो.

इतिहासात कधीही इतर कोणत्याही देशाला स्वातंत्र्य मिळवून देण्यासाठी युद्ध लढले गेले नाही. परंतु, आज संधी आहे इतिहास घडवण्याचा. यासोबतच बांगलादेशच्या (Bangladesh) स्वातंत्र्यासाठी लढणाऱ्या मुक्ती वाहिनीचा ‘जय बांगला’ हा नाराही ऐकू येतो. पिप्पा चित्रपटाचे दिग्दर्शन राज कृष्ण मेनन यांनी केले आहे. त्यांनी अक्षय कुमारसोबत ‘एअरलिफ्ट’ चित्रपट बनवला आहे. तसेच ‘उरी: द सर्जिकल स्ट्राइक’ सारखा दमदार चित्रपट बनवणाऱ्या रॉनी स्क्रूवालाच्या प्रॉडक्शन हाउसमधून आलेला पिप्पा हा एक आश्वासक युद्धपट वाटतो.

इशान खट्टर, प्रियांशू पैन्युली आणि मृणाल ठाकूर हे दमदार कलाकार मानले जातात. त्यांचा अभिनय चित्रपटाला एका नव्या उंचीवर नेऊ शकतो. टीझरसोबत पिप्पाची रिलीज डेटही निश्चित झाली आहे. हा चित्रपट २ सप्टेंबर २०२२ रोजी चित्रपटगृहात प्रदर्शित होणार आहे.