निर्माता दिग्दर्शक महेश भट्ट नेहमीच कोणत्या ना कोणत्या वादामुळे चर्चेत राहिले आहेत. मात्र त्यांचा सर्वाधिक चर्चेत राहिलेला वाद म्हणजे मुलगी पूजा भट्ट हिच्यासोबत एका मासिकासाठी केलेलं शूट. या फोटोशूटमुळे कलाविश्वात व सर्वसामान्यांत एकच खळबळ माजली होती. तो वाद शमत नव्हता तितक्यात महेश भट्ट यांनी मुलीबाबतच वादग्रस्त विधान केलं होतं.
काय होत प्रकरण?
महेश भट्ट यांनी मुलगी व अभिनेत्री पूजा भट्ट हिच्यासोबत एका मासिकासाठी फोटोशूट केलं होतं. या फोटोमध्ये हे दोघं लिप टू लिप किसिंग करताना दिसतात. हा फोटो प्रसिद्ध होताच मोठा वाद निर्माण झाला. सर्वसामान्यांकडून, चाहत्यांकडून दोघांवर जोरदार टीका होऊ लागली होती. इतकंच नव्हे तर महेश भट्ट यांना जीवे मारण्याच्या धमक्यासुद्धा येऊ लागल्या होत्या.
महेश भट्ट यांचं पत्रकार परिषदेत वादग्रस्त विधान
वाद दिवसेंदिवस मोठा होऊ लागला तेव्हा महेश भट्ट यांनी एक पत्रकार परिषद घेतली. मात्र या पत्रकार परिषदेमुळे वाद थंडावला नाही तर तो आणखी चिघळला. कारण या पत्रकार परिषदेत ते म्हणाले होते की, जर पूजा माझी मुलगी नसती तर मी तिच्याशी लग्न केलं असतं. त्यांच्या या वक्तव्यानंतर हा वाद आणखीनच टोकाला पोहोचला. अखेर त्यांनी सारवासारव करत नैराश्याचं कारण दिलं. सर्व बाजूंनी होणारे आरोप, जीवे मारण्याच्या धमक्या या सर्व गोष्टींमुळे मी नैराश्यात गेलो होतो आणि म्हणूनच माझ्याकडून ते विधान चुकून गेलं, असं स्पष्टीकरण महेश भट्ट यांनी दिलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.