Raj Kapoor Chembur Bungalow sold: मनोरंजन जगतातील दिवंगत अभिनेता राज कपूर यांचा ऐतिहासिक बंगला अखेर आज विकला गेला. हा बंगला मुंबईच्या अतिशय उच्चभ्रू लोकांच्या वस्तीत वसलेला आहे.

या बंगल्याला गोदरेज प्रॉपर्टीज लिमिटेड कंपनीनं खरेदी केलं आहे. हा बंगला १०० करोडला विकला गेल्याचं कळत आहे...किंमत जास्तही असू शकते असा अंदाज लावला जातोय. मे २०१९ मध्ये गोदरेजनं राज कपूर यांच्या आर के स्टुडिओला देखील खरेदी केलं होतं.(Raj Kapoor Chembur Bungalow sold)

गोदरेज प्रॉपर्टी लिमिटेड कंपनीनं म्हटलं आहे की,'' दिग्गज अभिनेते,दिग्दर्शक,निर्माता राज कपूर यांच्या मुंबईतील चेंबूर येथील बंगल्याला आम्ही खरेदी केलं आहे. कंपनीच्या योजनेनुसात आता याठिकाणी एक लक्झुरियस अपार्टमेंट्स उभारण्यात येणार आहेत. कंपनीनं ही जमीन राज कपूर यांचे कायद्याने जे वारस आहेत त्या कपूर कुटूंबाकडून खरेदी केली आहे''.

गोदरेज प्रॉपर्टीजचे कार्यकारी चेअरमन पिरोजशा गोदरेज यांनी पीटीआयला सांगितले की,''या भूखंडावर आम्ही लक्झुरियस अपार्टमेंट उभारणार आहोत. तर ''आम्हाला कपूर कुटुंबानं ही प्रॉपर्टी खरेदी करण्याची संधी दिली यासाठी आम्ही त्यांचे आभारी आहोत..'',असं कंपनीचे सीईओ गौरव पांड्ये म्हणाले.

चंबूरमध्ये बंगल्याच्या भूखंडाचं बाजार मूल्य जवळपास १०० ते ११० करोड इतकं असल्याचं बोललं जात आहे. चेंबूर बीकेसी सोबत जोडला गेलाय त्यामुळे ही जमेची बाजू आहे.

दिवंगत राज कपूर यांचे चिरंजीव आणि अभिनेता रणधीर कपूर यांनी या व्यवहाराविषयी बोलताना सांगितलं की,''चेंबूरमधील आमच्या या जागेशी आम्ही सगळे भावनात्नकदृष्टया जोडलेलो आहोत. आमच्यासाठी याचं ऐतिहासिक महत्त्व देखील आहे. आम्ही देखील या निमित्तानं गोदरेज प्रॉपर्टीशी जोडले गेलोय याचा आम्हाला आनंद आहे''.