Rajkumar Rao- Patralekha Viral Video: राष्ट्रीय पुरस्कार विजेता राजकुमारला काही वेगळ्या ओळखीची गरज नाही. राजकुमारने आपल्या अभिनय कौशल्याने प्रेक्षकांची मने जिंकली आहेत. राजकुमार त्याच्या व्यावसायिक आयुष्यासोबतच त्याच्या वैयक्तिक आयुष्यामुळे देखील चर्चेत असतो. राजकुमार आणि त्याची पत्नी पत्रलेखा या दोघांची जोडी देखील चाहत्यांना खुप आवडते. गेल्या 13 वर्षापासून ते एकत्र आहेत.

राजकुमार राव आणि पत्रलेखा हे दिग्दर्शक फराह खान, हुमा कुरेशी आणि साकिब सलीम हे जवळचे मित्र आहेत. अनेकदा ते पार्टीत एकत्र दिसतात. या गँगने नुकतीच नाइट आउट पार्टी केली होती. याच पार्टीतील राजकुमार आणि पत्रलेखा यांचा एक व्हिडिओ सध्या सोशल मीडियावर व्हायरल झाला आहे.

फराहने तिच्या इंस्टाग्रामवर एक मजेदार व्हिडिओ शेअर केला आहे. ज्यात राजकुमार आणि पत्रलेखा हे दोघे रोमँटिक अंदाजात दिसले. मात्र त्यात हुमा आणि साकिब यांनी त्यांना त्रास दिला.

फराह खानने हा व्हिडिओ शेयर करत कॅप्शनमध्ये लिहिले, "वेड्या मित्रांसोबत क्रेझी रात्र, राजकुमार राव आणि पत्रलेखा यांनी सांगितले की हे चालणार नाही. साकिब सलीम आणि हुमा कुरेशी हे पापाराझींना स्पर्धा देत आहेत..."

राजकुमार राव आणि पत्रलेखा हे बॉलिवूडमधील लोकप्रिय जोडपे आहे. बऱ्याच काळ डेट केल्यानंतर त्यांनी 15 नोव्हेंबर 2021 रोजी लग्न केले. एका मुलाखतीत पत्रलेखाने सांगितले होते की, तिने राजचा पहिला चित्रपट 'लव्ह सेक्स और धोका' होता. नंतर त्यांची मैत्री झाली. या दोघांनी 2014 मध्ये आलेल्या 'सिटीलाइट्स' चित्रपटात एकत्र काम केले होते.

त्यानंतर दोघेही प्रेमात पडले. तर राजकुमारने त्याच्या अनेक मुलाखतींमध्ये खुलासा केला की, पत्रलेखावर त्याचा आधीपासूनच क्रश होता. एका शॉर्ट फिल्ममध्ये एकत्र काम केले तेव्हा तो पहिल्यांदा तिला भेटला.