Rakhi Sawant Latest News राखी सावंत वेगवेगळ्या प्लॅटफॉर्मवर ‘तू मेरे दिल में रहने के लायक नहीं’ या गाण्याचे प्रमोशन करताना दिसत आहे. या गाण्यात राखी (Rakhi Sawant) प्रियकर आदिल खान दुर्रानीसोबत दिसत आहे. राखी या गाण्याचे प्रमोशनल व्हिडिओ चाहत्यांसोबत शेअर करीत आहेत. प्रमोशन व्हिडिओंमध्ये राखीने एक व्हिडिओ शेअर केला आहे. व्हिडिओमध्ये तिला आलिया भट्टसारखे (Alia Bhatt) लग्न करायचे आहे. का? हे जाणून घेऊ या...

राखी सावंत इंडस्ट्रीत तिच्या शैलीसाठी प्रसिद्ध आहे. अलीकडेच राखीने पुन्हा एकदा सर्वांना चकित केले आहे. राखीने (Rakhi Sawant) इंस्टाग्रामवर व्हिडिओ शेअर केला आहे. व्हिडिओमध्ये ती तिच्या गाण्याच्या प्रमोशनसाठी पोहोचली दिसत आहे. रेडिओ मिर्चीला दिलेल्या मुलाखतीचा हा व्हिडिओ राखीने शेअर केला आहे. व्हिडिओमध्ये राखी आलिया भट्टप्रमाणे लग्न करावं लागेल असं म्हणताना दिसत आहे.

‘आलिया भट्ट (Alia Bhatt) लग्न करताच आई झाली. मला पण असे लग्न करायचे आहे. लग्न झाल्याच्या दुसऱ्या दिवशी नाही तर त्याच दिवशी मला आई व्हायच आहे’ असेही राखी सावंत म्हणाली. तिचे हे म्हणणे ऐकून प्रियकर आदिल खानला लाज वाटली. मात्र, तीर राखी आहे. केव्हा काय बोलेल हे सांगता येत नाही.

राखीच गाण हिट

१० सप्टेंबर रोजी राखी सावंत आणि प्रियकर आदिल खानवर चित्रित केलेला ‘तू मेरे दिल में रहने के लायक नहीं’ हे गाणे रिलीज झाले होते. हे गाणं खूप पसंत केले जात आहे. गाण्याला मिळणाऱ्या व्ह्यूजबद्दल राखीने एक पोस्टही शेअर केली आहे. पोस्टमध्ये राखीने हे गाणे हिट केल्याबद्दल चाहते, मित्र आणि मीडियाचे आभार मानले आहेत. गाण्याला ४ मिलियन व्ह्यूज मिळाल्यानंतर राखीने ही पोस्ट शेअर केली आहे.