Tv Entertainment: टीव्ही मनोरंजन क्षेत्रातील प्रसिद्ध सेलिब्रेटी राखी सावंत ही (Rakhi Sawant) नेहमीच तिच्या वादग्रस्त वक्तव्यासाठी ओळखली जाते. तिनं यापूर्वी केलेल्या वादग्रस्त वक्तव्याची सोशल मीडियावर मोठ्या प्रमाणात चर्चा झाली आहे. कधी ती व्हिडिओ शेअर करते तर एखादी अशी प्रतिक्रिया देते ज्यामुळे सर्वांचे लक्ष वेधले जाते. आता मात्र राखी चक्क रडताना समोर आली आहे. राखी आणि रडणे हे समीकरण काहीसे विचित्र आहे पण हे खरे आहे,. नुकतीच राखी आपल्या प्रियकरसोबत मिडियासमोर आली आणि तिने एक धक्कादायक माहिती उघड केली. (Rakhi Sawant Latest Video) (rakhi sawant reached police station to file a complaint against her ex-husband Ritesh)

नुकताच राखीचा एक नवीन व्हिडीओ (viral Video) समोर आला आहे. राखी सावंत पूर्वाश्रमीचा नवरा रितेशवर संशय घेत असल्याचे या व्हिडीओमध्ये दिसत आहे. राखी शनिवारी रात्री ओशिवरा पोलीस स्टेशनला गेली होती. तेव्हा पोलीस स्टेशनच्या बाहेरच मीडियाने तिची वाट अडवली. यावेळी समोर आलेल्या व्हिडीओमध्ये राखी सावंत रडताना दिसत आहे. तर तिचा प्रियकर तिला धीर देत आहे.

राखीचं फेसबुक आणि इंस्टाग्राम अकाउंट हॅक झालं आहे. यामागे तिचा पूर्वाश्रमीचा नवरा रितेश असल्याचा तिचा संशय आहे, म्हणूनच ती पोलीस स्टेशन,ला तक्रार देण्यासाठी गेली होती. यावेळी ती म्हणाली, 'मला माहित आहे की मी तीन वर्षे कशी काढली. लॉकडाऊनमध्ये मी एकटी पडले होते. म्हणूनच मी त्याला सोडले. देवाने असा पती कोणाला देऊ नये. आता त्याच्याविरुद्ध तक्रार करत आहे. मला गलिच्छ मेसेज येत आहेत. चुकीच्या गोष्टी लिहिल्या जात आहेत. त्याने मला फसवलं आहे. तो माझा फोनही उचलत नाही. त्याने मला छळलं आहे. धक्के मारून घरातून बाहेर काढलं आहे. पण मी कधीही तक्रार केली नाही. पण आता त्याने माझ्या सोशल मिडियावर अकाऊंटवर अटॅक केला आहे, तो माझ्या अश्लील व्हिडिओही पोस्ट करू शकतो.'