रणबीर कपूर आणि श्रद्धा कपूर हे दोघही त्याच्या आगामी चित्रपट 'तू झुठी में मक्कार' सिनेमामुळं चर्चेत आहे. या चित्रपटाची दोन गाणी रिलीज झाली ज्याला प्रेक्षकांनी खुप डोक्यावर घेतलं. आता या सिनेमाचं 'शो मी द ठुमका' हे गाणं नुकतच रिलिज झालं.

साडेतीन मिनिटांच्या या गाण्यात रणबीरला नाचताना पाहून तुम्हाला 'ये जवानी है दीवानी' हे गाणे नक्कीच आठवेल. तर दुसरीकडे श्रद्धा तिच्या सडपातळ कंबरेने सर्वांना वेड लावताना दिसत आहे. पिवळ्या रंगाची साडी परिधान केलेली श्रद्धा जबरदस्त डान्स करताना दिसत आहे. हे गाणे सुनिधी चौहान आणि शाश्वत सिंग यांनी गायले आहे. या गाण्याचे बोल अमिताभ भट्टाचार्य यांचे आहेत.

आता या गाण्याला नेटकऱ्यांच्या समिश्र प्रतिक्रिया येतांना दिसत आहे. एकीकडे चाहत्यांना त्यांची जोडी खुप आवडत आहे तर दुसरीकडे या गाण्याच्या डान्स स्टेपमुळं वेगळीच चर्चा सुरु झाली आहे. यात रणबीर श्रद्धाला पकडून डान्स स्टेप करत आहे. ही स्टेप पाहिल्यानंतर नेमकं दोघांना करायचं काय आहे असा प्रश्न नेटकऱ्यांना पडलाय. काहींनी गाण्याच्या कोरियोग्राफरलाही चांगलचं सुनावलं आहे. काही नवं करण्याच्या नादात जे आहे तेही बिघडलं आहे असंही नेटकरी म्हणतं आहे.

यापूर्वी या चित्रपटातील 'प्यार होता कई बार' हे गाणे रिलीज झाले होते. या चित्रपटात रणबीर कपूर पहिल्यांदाच अभिनेत्री श्रद्धा कपूरसोबत स्क्रीन शेअर करताना दिसणार आहे. या चित्रपटात श्रद्धा आणि रणबीर व्यतिरिक्त डिंपल कपाडिया, बोनी कपूर आणि आयशा रझा मिश्रा यांच्याही महत्त्वाच्या भूमिका आहेत. तू झुठी मैं मक्कर मधून स्टँड-अप कॉमेडियन अनुभव सिंग बस्सीही पदार्पण करत आहे.