सध्या बाॉलीवूड(bollywood) मधलं 'लव्हेबल कपल' म्हणून रणबीर(Ranbir Kapoor)-आलिया(Alia Bhatt) कडे पाहिलं जातं. रणबीर-आलिया सध्या लीव्ह-इन मध्ये राहत आहेत. 'ब्रम्हास्त्र 'या त्यांच्या सिनेमाच्या प्रमोशन निमित्तानं त्यांच्यात वाढलेली जवळीक सगळ्यांनीच पाहिली असेल. या दोघांमधील नात्यामुळे कपूर-भट कुटुंबियही आता जवळ आले आहेत. एकेमेकांच्या कुटुंबातील कार्यक्रमांना ते उपस्थिती दर्शवताना आपण पाहिलं असेल कदाचित. आलिया अर्धी सूनबाई झालीच आहे आता कपूर परिवाराची पण आता सगळेच, म्हणजे या दोघांचे चाहतेही वाट पाहत आहेत कधी एकदा यांच्या डोक्यावर अक्षता पडतायत. पण आता एक नवीन फोटो सोशल मीडियावर व्हायरल झाला आहे,त्याची चर्चा होऊ लागलीय. रणबीरवर सगळे संशय घेऊ लागलेयत? रणबीरनं पुन्हा चीटींग केलं का आलियासोबतही अशा चर्चा रंगू लागल्यात. कोणता फोटो आहे बरं तो,ज्यानं एक नवा वाद निर्माण करण्यासाठी महत्वाची भूमिका निभावली आहे.

तर हा फोटो अर्जून कपूरने आपल्या अधिकृत इन्स्टाग्राम अकाऊंटवर पोस्ट केला आहे. ज्यात रणबीर दिसत आहे आणि सोबत हॉटेलच्या खिडकीतून पांढराशुभ्र,प्रेमाचे प्रतिक असणारा 'ताजमहल' रुबाबात उभा दिसतोय. आता या फोटोवरुन तर कळतंय की रणबीर आग्र्यात आहे. आणि सोबत अर्जून कपूर आहे. तर चाहत्यांनो चिंता नसावी. रणबीरनं आलियाला चीट केलेलं नाही. तर तो अर्जून कपूर सोबत आग्र्यात आहे. या फोटोला अर्जूननं धमाल कॅप्शन दिलं आहे.तो म्हणतोय,''जेव्हा रणबीरला माझं आणि ताजमहलचं आकर्षण वाटतं आणि तो चक्क आलियाला न घेता माझ्यासोबत इथे येतो''. त्यानं ही पोस्ट आलियालाही टॅग केली आहे. त्याच्या या पोस्टवर चाहते मात्र खूश आहेत. अभिनेत्री रकुल प्रीतनंही त्यावर कमेंट करीत म्हटलंय,''फायनली तुम्ही दोघांनी ताजमहल पाहिला तर''. तर एका चाहत्यानं म्हटलंय,'मस्त,तू ही पोस्ट आलियालाही टॅग केलीस'.

रणबीर आणि आलिया लवकरच आपल्याला एकत्र त्यांच्या 'ब्रम्हास्त्र' या सिनेमात दिसणार आहेत. तर त्यांच्यासोबतच महत्त्वाच्या भूमिकेत अमिताभ बच्चनही आहेत. आलिया सध्या तिच्या 'गंगूबाई काठियावाडी' सिनेमाच्या प्रमोशनमध्ये बिझी आहे. तिच्या या सिनेंमावरनं अद्याप वाद सुरू असले तरी तिची भूमिका मात्र प्रेक्षकांचं मन जिंकून जाईल असं नक्कीच वाटतंय.