बिग बॉसचा(Big Boss) प्रत्येक सिझन हा वादांमुळे चांगलाच चर्चेत राहतो. यामुळेच तर बिग बॉसचं ओटीटी(Big Boss OTT 2) व्हर्जन देखील आणण्याचा नवा प्रयोग झाला,ज्याला लोकांचा संमिश्र प्रतिसाद लाभला. गेल्या वर्षीच बिग बॉसच्या ओटीटी व्हर्जनला Voot वर लॉंच करण्यात आलं. या शो ला बॉलीवूडचा प्रसिद्ध निर्माता-दिग्दर्शक करण जोहरनं(Karan Johar) होस्ट(Host) केले होते. अर्थात होस्ट म्हणून करणने आपले १०० टक्के देण्याचा प्रयत्न केला. आता या शो च्या नव्या सीझनची लगबग सुरु झाल्याचं कळत आहे. गेल्या काही दिवसांत अनेक मीडियानं दिलेल्या वृत्तानुसार यावेळी करण जोहर नाही तर हिना खान या शो ला होस्ट करणार आहे. या बातमीमुळे हिना खानच्या चाहत्यांची स्वारी 'सातवे आसमान पर' होती. पण त्यानंतर वेगळंच नाव चर्चेत आलं.

बिग बॉस ओटीटीच्या नवीन सिझनला हिट करण्याच्या हेतूने निर्मात्यांनी कंबर कसली आहे. यावेळी त्यांना कोणतीच रिस्क घ्यायची नाहीय. अनेकांनी दावा केला होता की यावेळी या शो ला करण जोहर नाही तर रणवीर सिंग(Ranveer SIngh) होस्ट करणार आहे. म्हणजे बोललं जात आहे की करण जोहरनं शूटिंगच्या तारखा न दिल्यामुळे होस्ट बदलला जात आहे. त्यामुळे निर्मात्यांना आता करणच्या जागी रणवीर सिंग हवा होता. याआधी खरंतर रणवीरने छोट्या पडद्यावर 'द बिग पिक्चर' नावाचा आणखी एक रिअॅलिटी शो होस्ट केला होता.

पण आता कळतंय की रणवीर देखील आधीच्या काही कमिटमेंट्समुळे बिझी आहे आणि तो देखील हा शो होस्ट करत नाहीय. म्हणून निर्मात्यांनी नवी शक्कल लढवत थेट करण कुंद्रा(Karan Kundra) आणि तेजस्वी प्रकाश या लव्हबर्ड्सना होस्ट म्हणून विचारणा केल्याचे कळत आहे. तसेही या दोघांनी याआधी कंगनाच्या 'लॉकअप' शो मध्ये काही भाग जेलरच्या रुपात होस्ट केला होता,ज्याला चांगला प्रतिसादही मिळाला होता. दोघांना विचारणा झाली असली तरी त्यांनी यावर होकार कळवल्याचं वृत्त अद्याप तरी समोर नाही.

बिग बॉस ओटीटी च्या दुसऱ्या सिझनसाठी निर्मात्यांनी सेलेब्सना ऑफर द्यायला सुरुवात केली आहे. बातमी आहे की कांची सिंग,पूजा गौर आणि महेश शेट्टी या बिग बॉस ओटीटी शो मध्ये सामिल होण्यास तयार होऊ शकतात. याव्यतिरिक्त निर्मात्यांनी संभावना शेठ आणि पूनम पांडेशी देखील संपर्क साधला आहे. पण अद्याप या दोघींचाही शो साठी होकार आहे की नकार याविषयी काही बातमी समोर आलेली नाही.