Ranveer Singh Photoshoot बॉलिवूड अभिनेता रणवीर सिंग (Ranveer Singh) हा न्यूड फोटोशूट केल्यापासून चांगलाच चर्चेत आहे. सुरुवातीला त्याला सोशल मीडियावर प्रचंड ट्रोल केले गेले आणि मीम्स बनवले गेले. यानंतर अनेक शहरांमध्ये त्याच्याविरोधात तक्रारी दाखल झाल्या. आता याच क्रमाने त्याच्या विरोधात कोलकाता उच्च न्यायालयात याचिका (Petition) दाखल करण्यात आली आहे.

न्यूड फोटोशूट (Photoshoot) केल्यामुळे सतत चर्चेत असलेला अभिनेता रणवीर सिंग (Ranveer Singh) याच्या विरोधात जनहित याचिका दाखल करून याचिकाकर्त्याने फोटोशूट पश्चिम बंगाल सरकार आणि या प्रकरणाशी संबंधित इतर सर्व प्राधिकरणांना पाठवण्याची विनंती केली आहे. तसेच मासिकाच्या सर्व छापील प्रती जप्त करण्याचे आदेश देण्याचे म्हटले आहे.

वकील नाझिया इलाही खान यांनी रणवीर सिंग विरोधात गुन्हा दाखल करताना जनतेच्या मोठ्या वर्गाच्या मताच्या आधारे ही छायाचित्रे अश्लील असल्याचे म्हटले आहे. याशिवाय बाजीराव मस्तानी स्टार रणवीर सिंगच्या फोटोशूटने पश्चिम बंगालमधील जनतेचे मन मोठ्या प्रमाणावर चुकीच्या दिशेने ढकलले आहे. विशेषत: अल्पवयीन मुलांचे, असा दावाही याचिकेत (Petition) करण्यात आला आहे.

एनजीओने मुंबईत पोलिसात तक्रार दाखल केली होती

याआधी मुंबईतील चेंबूरमध्ये एका एनजीओने रणवीर सिंगविरोधात तक्रार दाखल केली होती. यानंतर मुंबई पोलिसांनीही रणवीरविरोधात एफआयआर नोंदवला होता. कामाबद्दल बोलायचे झाले तर रणवीर सिंग लवकरच करण जोहरच्या ‘रॉकी’ आणि ‘रानी की प्रेम कहानी’ या चित्रपटात दिसणार आहे.