Rapper Raftaar Divorce :

मनोरंजन क्षेत्रातील आणखी एका जोडप्याने फारकत घेण्याचा निर्णय घेतला आहे. बाॅलीवूड रॅपर रफ्तार आणि त्याची पत्नी कोमल व्होरा (Komal Vohra) असे त्या जोडप्याचे नाव आहे. या दोघांनी सहा वर्षांपूर्वी लग्न केले होते. मात्र आता त्यांनी घटस्फोटासाठी अर्ज केला आहे. बातम्यांनुसार ते काही काळापासून वेगवेगळे राहत आहेत. या वर्षी ऑक्टोबरमध्ये घटस्फोटाची प्रक्रिया पूर्ण होऊ शकते. त्यांनी घटस्फोटासाठी २०२० मध्ये अर्ज दाखल केला होता. मात्र कोविड महामारीमुळे त्यास विलंब झाला.

कोमल ही प्रसिद्ध टीव्ही कलाकार करण आणि कुणाल व्होरा यांची बहीण आहे. तसेच कोमल ही इंटेरिअर डिझाईनर आहे. तिने भाऊ करण आणि कुणालबरोबर काही शोज् केले आहेत. जसे जिंदगी की मेहक आणि ब्रह्मराक्षस. कोमल आणि रफ्तार (अका दिलीन नायर) हे दोघे २०११ एका मित्राच्या घरी भेटले. नंतर त्यांनी २०१६ मध्ये लग्न केले. त्यानंतर रफ्तारने त्यांच्या लग्न सोहळ्याचे फोटो शेअर करुन लिहिले की मी माझ्या प्रिय व्यक्तीबरोबर लग्न केले. सध्या मात्र दोघांनी एकमेकांना सोशल मीडियावरुन अनफाॅलो केले असून त्यांचे छायाचित्रे डिलिट केले आहेत.

रफ्तारने २०१९ मध्ये हस्टल, डान्स इंडिया डान्स आणि रोडीज या कार्यक्रमातून परीक्षक म्हणून कामाला सुरुवात केली. मधेच त्यांनी 'रोडिज' हा कार्यक्रम सोडला. २०१५ मध्ये त्याने 'झलक दिखला जा ८' या कार्यक्रमात सहभाग झाला होता. रॅपरने 'बुलेट राजा', 'फगली', 'अंधाधुन' आणि यासारख्या चित्रपटांना संगीत दिले.