Rohit Shetty: रोहित शेट्टी बॉलिवूड मधला आघाडीचा दिग्दर्शक. रोहित शेट्टीचे सिनेमे म्हणजे ऍक्शन आणि कॉमेडीचा तडका. रोहित शेट्टीच्या सिनेमातली अजून एक खास गोष्ट म्हणजे भव्यदिव्य सेट्स आणि गाड्या. रोहित शेट्टीने गोलमाल पासून बॉलिवूड मध्ये एक प्रथा सुरु केलीय ती म्हणजे गाड्या उडवण्याची. गोलमाल मध्ये जो कार रेसिंगचा सिक्वेन्स आहे त्यात अनेक गाड्या हवेत उडताना दाखवल्यात. रोहितच्या या खास शैलीची सगळीकडे चर्चा आहे.

भरधाव चालणाऱ्या गाड्या रोहित शेट्टी नेमका उडवतो कसा.. असं कुतूहल अनेकांच्या मनात आहे. स्वतः रोहित शेट्टीने त्याच्या आगामी इंडियन पोलीस फोर्स मधला या सिरीज मधला एक व्हिडिओ शेयर केलाय. या व्हिडिओत रोहित भरधाव धावणारी एका क्षणात कसा उडवतो हे पाहायला मिळतंय. या थरारक व्हिडिओची सध्या सगळीकडे चर्चा आहे.

या व्हिडिओत रस्त्यावर धावणारी एक पिवळी गाडी समोरच्या गाडीला ठोकते. आणि ती गाडी हवेत उडून खाली उलटी पडते. या सिनचा मास्टरमाईंड रोहित एका ओपन जीप मध्ये मागे असून हा सगळा सिन त्याच्या कॅमेरात शूट करतो. शूट चांगलं झाल्याने रोहित आनंदी असतो. तो हात उंचावून शॉट ओके झालाय असं सर्वाना सांगतो.

काही दिवसांपूर्वी रोहितचा अपघात झाल्याची घटना घडली होती. खतरो के खिलाडी म्हणुन ओळख असलेला चित्रपट दिग्दर्शक रोहित शेट्टी त्याच्या आगामी वेब सीरिजच्या शूटिंगदरम्यान जखमी झाला आहे. रोहित शेट्टी त्याचा ड्रीम प्रोजेक्ट इंडियन पोलिस फोर्स या वेब सिरीजसाठी शूटिंग करत होता. त्याचवेळी हा अपघात झाल्याचं वृत्त समोर आलं आहे.

कार चेस सिक्वेन्सच्या शूटिंगदरम्यान रोहित शेट्टीच्या हाताला दुखापत झाली आहे. . त्यानंतर प्रॉडक्शन टीमने त्याला कामिनेनी हॉस्पिटलमध्ये दाखल केले. डॉक्टरांच्या पथकाने किरकोळ शस्त्रक्रिया केली असली आणि रोहित शेट्टीला त्याच दिवशी डिस्चार्ज देण्यात आला.