अभिनेता सलमान खानला जीवे मारण्याची धमकी देण्यात आली आहे. त्यानंतर सलमान जास्तच चर्चेत आला. त्यांच्या सुरक्षेतही पोलिसांना वाढ केली आहे. सलमानला सार्वजनिक ठिकाणी जाण्याची मनाई करण्यात आली आहे. दरम्यान सलमानला आलेला धमकीचा ईमेल पाठवल्यामुळे पोलिसांनी एका आरोपीला अटक केली होती. त्याचं नाव धाकडराम बिश्नोई असं आहे.

सलमान खानला धमकावल्याप्रकरणी अटक करण्यात आलेला आरोपी धाकडराम बिश्नोईला सोमवारी वांद्रे दंडाधिकारी न्यायलयाने 7 दिवसांची म्हणजे 3 एप्रिलपर्यंत पोलीस कोठडी सुनावली.

त्याला रविवारी जोधपूर येथून अटक केल्यानंतर सोमवारी त्याला न्यायालयात हजर करण्यात आले. आरोपीने न्यायलायसमोर चुकी मान्य करत मेल चुकून पाठवण्यात आल्याचं आरोपींनी सुनावणीदरम्यान सांगितलं ईमेलमध्ये धाकडने हा ईमेल गँगस्टर लॉरेन्स बिश्नोईचा खास सहकारी गोल्डी ब्रारच्या वतीने पाठवला असल्याचंही म्हंटले होते.

सलमानला धमकी मिळाल्यानंतर सर्वात पहिले संशयाची सूई ही गँगस्टर बिश्नोई आणि गोल्डी ब्रार यांच्यावरच होती. यापुर्वी गँगस्टर बिश्नोईने सांगितले होते की, सलमान खानला संपवणे हे माझे उद्दिष्ट होते, त्यानंतर धाकडरामने धमकीचे पत्र पाठवले. त्यामुळे बिश्नोई गँग आणि बिश्नोई टोळीचा तसच गोल्डी ब्रार यामध्ये काही कनेक्शन आहे का याचा तपास पोलीस करत आहे.

आता या प्रकरणी मोठी अपडेट आली आहे. सलमान खानला 18 मार्च रोजी पाठवण्यात आलेला धमकीचा ई-मेल गोल्डी ब्रारने पाठवला होता असा संशय आता पोलिसांना आहे. गोल्डी ब्रार हा सध्या यूकेमध्ये लपून बसला आहे.

आता या प्रकरणी मुंबई पोलिसांनी कायदेशीर पद्धतीनं यूके सरकारला विनंती पत्र पाठवले आहे. असल्याची बातमी समोर आली आहे. या पत्रामध्ये, ज्या ठिकाणाहून हा ईमेल पाठवला होता तिथला आयपी अॅड्रेसचाही उल्लेख करण्यात आला आहे.

त्यामुळे आता याप्रकरणात ब्रिटन सरकारही हस्तक्षेप करणार असल्याचा दावा करण्यात येत आहे. पोलिसांचा ह संशय खरा ठरल्यास गोल्डीला भारतात आणण्याचा प्रयत्न करण्यात येईल अशी माहिती समोर आली आहे.