Samantha Naga Chaitanya love story: आता समंथाचे नाव सगळ्यांना माहिती झाले आहे. गेल्या काही महिन्यांपासून अभिनेत्री समंथानं बॉलीवूडच्या चाहत्यांना वेडं केलं आहे. प्रसिद्ध अभिनेता मनोज वाजपेयीच्या द फॅमिली मॅनमध्ये समंथानं लक्षवेधी भूमिका साकारली होती. त्यामुळे समंथाची लोकप्रियता मोठ्या प्रमाणात वाढली. तिला वेगवेगळे चित्रपटही मिळाले. याचवेळी तिच्या वैयक्तिक जीवनातही मोठी खळबळ उडाल्याचे दिसून आले.

काही दिवसांपासून समंथाला एका वेगळ्याच आजारानं ग्रासल्याची बातमी व्हायरल झाली होती. संथमाला जडलेल्या मायोसाटोसिस आजारामुळे तिच्या चाहत्यांना मोठा धक्का बसला होता. यासगळ्यात समंथाचा यशोदा नावाचा चित्रपटही चर्चेत आला आहे. गेल्या बऱ्याच दिवसांपासून त्याची चर्चा होती. अखेर त्याचा ट्रेलरही प्रदर्शित झाला आहे. हे सगळं होत असताना समंथाच्या आजारपणाची माहिती समोर आली आणि चाहत्यांच्या काळजात धस्स झालं. समंथा या आजारपणातून बरी होणार की नाही, ती चांगले उपचार घेत आहे की नाही असे प्रश्न तिच्या चाहत्यांना पडले आहे.

समंथाला एक फोन आला आणि त्याची चर्चा सुरु झाली. त्या फोन करणाऱ्या व्यक्तीनं समंथाची विचारपूस केली. तो फोन दुसऱ्या तिसऱ्या कुणाचा नसून समंथानं ज्याच्यासोबत घटस्फोट घेतला त्या नागा चैतन्याचा होता. चैतन्यानं व्यक्त केलेली काळजी चाहत्यांच्या प्रतिक्रियेचा विषय ठरताना दिसत आहे. घटस्फोट झाल्यानंतर सोशल मीडियावर बराच काळ हे कपल चर्चेत होतं. काहीही झालं तरी एकत्र राहायचं नाही असं ठरवून टाकलेल्या या जोडप्याच्या चर्चा पुन्हा एकदा लाईमलाईटमध्ये येण्यास सुरुवात झाली आहे.

येत्या दिवसांत समंथाचा यशोदा नावाचा चित्रपट प्रदर्शित होतो आहे. त्यानिमित्तानं तिनं तिला झालेल्या एका आजारपणाविषयी तिनं सांगितलं आहे. गेल्या काही महिन्यांपासून समंथानं बॉलीवूड प्रेक्षकांचे लक्ष वेधून घेतले आहे. अल्लु अर्जुनच्या पुष्पामध्ये तिनं केलेल्या डान्सचे कौतूक झाले होते.