Satya Prem Ki Katha BO Collection Day 4: रविवारी महाराष्ट्राच्या राजकारणात अनेक घडामोडी घडल्या. हे राजिकय नाट्यांतर कुण्या चित्रपटाच्या कथेलाही लाजवेल असं काहीसं घडलं. सध्या बॉक्स ऑफिसवर कार्तिक आर्यन आणि कियारा अडवाणीचा 'सत्यप्रेम की कथा' हा चित्रपट प्रदर्शित झाला आहे. सुरवातीला या चित्रपटाने कमी कमाई करत ओपनिंग केली असली तर या चित्रपटाच्या कमाईचा आलेख दिवसेंदिवस वाढतांना दिसत आहे.

कार्तिक आर्यन आणि कियारा अडवाणीचा सत्यप्रेम की कथा ही हटके लव्हस्टोरी प्रेक्षकांना चित्रपटगृहात आकर्षित करण्यात यशस्वी झाल्याचे दिसत आहे. हा चित्रपट 29 जून रोजी ईदच्या मुहूर्तावर थिएटरमध्ये प्रदर्शित झाला. पुन्हा एकदा कार्तिक-कियाराची केमिस्ट्री प्रेक्षकांच्या मनाला स्पर्श केला आहे.

समीर विद्वांसच्या दिग्दर्शनात तयार झालेल्या या चित्रपटाच्या वीकेंडच्या कमाईचे आकडे आता समोर आले आहे. 2 जुलै म्हणजेच रविवारी 'सत्यप्रेम की कथा' ने किती कलेक्शन केले त्याचे आकडेही समोर आले आहेत.

समोर आलेल्या आकडेवारी नुसार या चित्रपटाने रविवारी बॉक्स ऑफिसवर 12 कोटींच्या जवळपास कमाई केली आहे. चित्रपटाच्या पहिल्या दिवसाच्या कमाईबद्दल बोलायचं झालं तर 9.5 कोटींचा गल्ला जमावला तर दुसऱ्या दिवशी 7 कोटींची कमाई झाली. शनिवारपासून चित्रपटाला वीकेंडचा फायदा मिळाला आणि कमाईत वाढ झाली. त्याचबरोबर शनिवारी या चित्रपटाने 10.10 कोटींची कमाई केली. यासह चित्रपटाची एकूण कमाई आता 38.35 कोटींवर गेली आहे.

'सत्यप्रेम की कथा'मध्ये कार्तिक आर्यन आणि कियारा अडवाणीशिवाय सुप्रिया पाठक कपूर, गजराज राव, सिद्धार्थ रंधेरिया, अनुराधा पटेल, राजपाल यादव, निर्मित सावंत आणि शिखा तलसानिया यांच्या भुमिका आहेत.