मुंबई : निर्माते व दिग्दर्शक बी. आर. चोप्रा यांच्या महाभारत या मेगामालिकेत द्रौपदीचे काम करणारी अभिनेत्री रूपा गांगुलीने सुशांत सिंह राजपूतच्या आत्महत्येची सीबीआयमार्फत चौकशी करावी अशी मागणी केली आहे. त्याबाबतचे तिने ट्विट केले असून केंद्रीय गृहमंत्री अमित शहा यांनादेखील टॅग केले आहे.
सुशांत सिंह राजपूतने आत्महत्या केल्यानंतर संपूर्ण देश हळहळला होता. हिंदी चित्रपटसृष्टीत त्याच्या आत्महत्येनंतर घराणेशाहीचा मुद्दा चर्चिला गेला होता. गायक आणि कलाकार यांनी हिंदी चित्रपटसृष्टीत घराणेशाही आहे आणि आऊटसायडर्सना येथे चांगली वागणूक मिळत नाही असे म्हटले होते.
सुशांतची आत्महत्या ही वैयक्तिक कारणामुळे झाली की येथील व्यावसायिक स्पर्धेमुळे झाली याचा शोध पोलिस घेत आहेत. पोलिसांनी काही जणांची चौकशी केली आहे आणि त्यांचा जबाबही घेतला आहे. पण सुशांतच्या आत्महत्येची सीबीआयमार्फत चौकशी व्हावी अशी मागणी अभिनेत्री कंगना रानौत, अभिनेता शेखर सुमन, अभिनेत्री पायल रहतोगी यांच्यासहित काही राजकीय नेत्यांनीही केली आहे. आता अभिनेत्री रूपा गांगुलीने एकामागोमाग एक ट्विट करीत सीबीआयमार्फत चौकशी केली जावी अशी मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.