Sidharth Malhotra - Kiara Advani Wedding: अभिनेता सिद्धार्थ मल्होत्रा ​​आणि कियारा अडवाणी हे बॉलिवूडचे लव्ह बर्ड्स मानले जातात. ते अनेकदा एकमेकांसोबत पार्टी किंवा इव्हेंट मध्ये दिसले आहेत. त्यांच्या लग्नाची चर्चा अनेक दिवसांपासून सुरू आहे. हे दोघे पुढच्या काहीच दिवसांमध्ये लग्न करणार असल्याची चर्चा सुरु झाली आहे. सिद्धार्थ - कियाराच्या लग्नाबद्दल एक मोठी गोष्ट समोर आली आहे. या दोघांच्या लग्नासाठी थेट शाहरुख खानचं कनेक्शन समोर आलंय.

सिध्दार्थ - कियारा हे दोघे ६ फेब्रुवारीला राजस्थानच्या जैसलमेर भागातील सुर्यगढ पॅलेस मध्ये लग्न करणार आहेत. दोघांच्या लग्नसाठी खास सिक्युरिटी असणार आहे. या सिक्युरिटीची जबाबदारी शाहरुख खानचा आधीचा बॉडिगार्ड यासीन खान कडे असणार आहे. यासीन सुर्यगढ पॅलेस मध्ये कियारा - सिद्धार्थच्या लग्नासाठी कडक सुरक्षा तैनात करणार आहे.

सिद्धार्थ आणि कियाराच्या लग्नाबद्दल अपडेट द्यायचं झालं तर या दोघांच्या लग्नासाठी ३ फेब्रुवारीपासून पाहुण्यांचे आगमन सुरू होईल. या जोडप्याने पाहुण्यांसाठी मजेदार वाळवंट सफारी टूर आणि फूड स्टॉल्सची व्यवस्था केली आहे. जैसलमेरला भेट देणाऱ्या पाहुण्यांसाठी स्पेशल गिफ्ट म्हणून त्यांनी स्पा व्हाउचरचाही समावेश केला आहे. त्यामुळे सिद्धार्थ - कियारा दोघे त्यांच्या लग्नात खुश असणार आहेतच शिवाय लग्नात येणाऱ्या पाहुण्यांची सुद्धा मज्जा आहे.

गेली ३ - ४ वर्ष हे सिद्धार्थ - कियारा एकमेकांना डेट करत आहेत. आता येत्या ६ फेब्रुवारीला हे दोघे लग्न करणार असल्याची जोरदार चर्चा सोशल मीडियावर सुरु झालीय. दोघांनी कधी अधिकृतरित्या त्यांच्या नात्याचा जाहीर खुलासा केला नसला तरीही दोघांच्या लग्नासाठी त्यांचे फॅन्स मात्र आतुर आहेत. दोघांची क्युट जोडी सोशल मीडियावर कायम चर्चेत असते. कियारा आपल्याला शेवटी 'गोविंदा नाम मेरा' हा सिनेमात दिसली, तर सिद्धार्थचा 'मिशन मजनू' सिनेमा काहीच दिवसांपूर्वी OTT वर रिलीज झालाय.